മണ്ണഞ്ചേരി: ദുൽഖർ നൈനിയും ഫാത്തിമയും ഇനി സ്മാർട്ടാകും. ഓൺലൈൻ പഠനത്തിന് സൗകര്യം ഇല്ലാതിരുന്ന ഇവർക്ക് സ്മാർട്ട്‌ ടി.വി നൽകി അത്താഴക്കൂട്ടം. മണ്ണഞ്ചേരി 12ാം വാർഡിൽ താമസിക്കുന്ന ഹസീനയുടെ മക്കളായ ഇരുവരും പഠനത്തിൽ മിടുക്കരാണ്.
പഠനം ഓൺലൈൻ ആയതോടെ കുട്ടികളുടെ വിദ്യാഭ്യാസം മുടങ്ങി. മാതാവിനൊപ്പം ചെറിയ ഒരുവീട്ടിലാണ് ഹസീനയും മക്കളും താമസിക്കുന്നത്.
വീട് ജപ്തിഭീഷണിയിലുമാണ്. ഇവരുടെ ദൈന്യത അറിഞ്ഞ ഉടൻ അത്താഴക്കൂട്ടം പ്രവർത്തകർ ടി.വിയും അത്യാവശ്യസാധനങ്ങളും വീട്ടിലെത്തിക്കുകയായിരുന്നു. എ.ആർ. നൗഷാദ്, നസീര്‍ താജ്മഹല്‍, വാഹിദ് താഴകത്, അഖില ഭാരതീയ അരയ മഹാസഭ സംസ്ഥാന ജനറൽ സെക്രട്ടറി ഷിജു വിശ്വനാഥ്, എച്ച്. അനസ്, ടി.എ. അലിക്കുഞ്ഞ് ആശാൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.