തിരുവനന്തപുരം: ആലപ്പുഴയിൽ നിന്നുള്ള ലോക്സഭാംഗവും കോൺഗ്രസ് നേതാവുമായ കെ.സി. വേണുഗോപാൽ മത്സര രംഗത്തുണ്ട ാകുമെന്ന സൂചന നൽകി കെ.പി.സി.സി പ്രസിഡന്‍റ് മുല്ലപ്പള്ളി രാമചന്ദ്രൻ. ആലപ്പുഴയിൽ മത്സരിക്കില്ലെന്നാണ് അദ്ദേഹം പ റഞ്ഞതെന്ന് മുല്ലപ്പള്ളി മാധ്യമങ്ങളോട് പറഞ്ഞു.
ആലപ്പുഴയിൽ മത്സരിക്കുന്നില്ല എന്ന കെ.സിയുടെ അഭിപ്രായത്തെ തെരഞ്ഞെടുപ്പിൽ മത്സരിക്കുന്നില്ല എന്ന തരത്തിൽ വ്യാഖ്യാനിക്കേണ്ടതില്ലെന്നും അദ്ദേഹം കൂട്ടിച്ചേർത്തു.
കേരള കോണ്‍ഗ്രസില്‍ പിളര്‍പ്പിന് സാധ്യതയില്ല. കോണ്‍ഗ്രസ് ഇടപെടേണ്ട സാഹചര്യം വന്നാല്‍ മാത്രമേ ഇടപെടൂ. പ്രശ്നങ്ങള്‍ രമ്യമായി പരിഹരിക്കുമെന്നാണ് പ്രതീക്ഷയെന്നും മുല്ലപ്പള്ളി വ്യക്തമാക്കി.
തെരഞ്ഞെടുപ്പിൽ സ്ഥാനാർഥിയാവില്ലെന്ന് കെ.സി വേണുഗോപാൽ കഴിഞ്ഞ ദിവസം പ്രഖ്യാപിച്ചിരുന്നു. എ.െഎ.സി.സി ജനറൽ സെക്രട്ടറി, പ്രവർത്തക സമിതിയംഗം, സ്ഥാനാർഥി നിർണയ സമിതിയംഗം എന്നീ പാർട്ടി ഉത്തരവാദിത്തങ്ങൾ മുൻനിർത്തിയാണ് പിന്മാറ്റമെന്ന് വേണുഗോപാൽ വിശദീകരിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.