ആലപ്പുഴ കട്ടച്ചിറ സെന്‍റ് മേരീസ് പള്ളിയിൽ വീണ്ടും സംഘർഷം

കാ​യം​കു​ളം: ക​ന​ത്ത പൊ​ലീ​സ്​ കാവലിൽ സു​പ്രീം​കോ​ട​തി വി​ധിയിലൂടെ ഒാ​ർ​ത്ത​ഡോ​ക്​​സ്​ പ​ക്ഷ​ത്തി​ന്​ സ്വ​ന്ത​മാ​യ ക​റ്റാ​നം ക​ട്ട​ച്ചി​റ സെന്‍റ്​ മേ​രീ​സ് യാ​ക്കോ​ബാ​യ സു​റി​യാ​നി പ​ള്ളിയിൽ വീണ്ടും സംഘർഷം. രാ വിലെ കുർബാനക്കെത്തിയ ഒാ​ർ​ത്ത​ഡോ​ക്​​സ്​ വിഭാഗവും സ്ഥലത്ത് ക്യാമ്പ് ചെയ്തിരുന്ന യാ​ക്കോ​ബാ​യ വിഭാഗവുമാണ് വാക്കുതർക്കത്തിലേർപ്പെട്ടത്.

ഇടവകാംഗങ്ങളല്ലാത്ത ആളുകൾ പള്ളിയിൽ പ്രവേശിക്കുന്നുവെന്ന് ആരോപിച്ചാണ് യാക്കോബായ വിഭാഗം പ്രതിഷേധമുയർത്തിയത്. വാക്കുതർക്കം രൂക്ഷമായതോടെ പൊലീസ് ഇടപ്പെട്ടു. ഇടവകാംഗങ്ങളുടെ പട്ടികയിലുള്ളവർ മാത്രമേ പള്ളിയിൽ പ്രവേശിക്കാവൂ എന്ന് നേരത്തെ ജില്ലാ ഭരണകൂടം അറിയിച്ചിരുന്നു.

ഇന്നലെയാണ് ക​ന​ത്ത പൊ​ലീ​സ്​ കാവലിൽ സു​പ്രീം​കോ​ട​തി വി​ധി നടപ്പാക്കിയത്. പ​ള്ളി​ക്ക്​ മു​ൻ​വ​ശം സ​മ​ര​മു​ഖം തു​റ​ന്ന യാ​ക്കോ​ബാ​യ​ക്കാ​രെ മ​തി​ൽ തീ​ർ​ത്ത്​ ത​ട​ഞ്ഞാ​ണ്​ ഒാ​ർ​ത്ത​ഡോ​ക്​​സ്​​പ​ക്ഷ വി​കാ​രി​െ​യ​യും സം​ഘ​ത്തെ​യും പ​ള്ളി​യി​ൽ​ പ്ര​വേ​ശി​പ്പി​ച്ച​ത്. സു​പ്രീം​കോ​ട​തി​വി​ധി​യു​ടെ പ​ശ്ചാ​ത്ത​ല​ത്തി​ൽ താ​ക്കോ​ൽ കൈ​മാ​റ​ണ​മെ​ന്ന ആ​വ​ശ്യം യാ​ക്കോ​ബാ​യ​ക്കാ​ർ അം​ഗീ​ക​രി​ക്കാ​ത്തതാ​ണ്​ ബ​ല​പ്ര​യോ​ഗ​ത്തി​ന്​ കാ​ര​ണ​മാ​യ​ത്. വി​ധി അം​ഗീ​ക​രി​ക്കാ​ൻ ത​യാ​റാ​ണെ​ന്നും എ​ന്നാ​ൽ ഇ​ട​വ​കാം​ഗ​ങ്ങ​ളാ​യ വി​ശ്വാ​സി​ക​ൾ​ക്ക്​ പ​ള്ളി​യി​ൽ പ്ര​വേ​ശ​നം ഉ​റ​പ്പാ​ക്ക​ണ​മെ​ന്നു​മാ​യി​രു​ന്നു യാ​ക്കോ​ബാ​യ​ക്കാ​രു​ടെ ആ​വ​ശ്യം.

ആ​ഗ​സ്​​റ്റ്​ 15 വ​രെ ഒ​രു സം​ഘം പ​ള്ളി​യി​ൽ പ്രാ​ർ​ഥ​ന​യു​മാ​യി ക​ഴി​യാ​നാ​ണ്​ ഒാ​ർ​ത്ത​ഡോ​ക്​​സ്​ പ​ക്ഷ​ത്തി​​​െൻറ തീ​രു​മാ​നം. അ​തേ​സ​മ​യം, ത​ങ്ങ​ൾ​ക്ക്​ നീ​തി​കി​ട്ടും​വ​രെ പ​ള്ളി​ക്ക്​ മു​ന്നി​ലെ പ്രാ​ർ​ഥ​ന​സ​മ​രം ശ​ക്​​തി​പ്പെ​ടു​ത്തു​മെ​ന്ന്​ യാ​േ​​ക്കാ​ബാ​യ പ​ക്ഷ​വും പ​റ​യുന്നു.