സേവന നികുതി: നടൻ സിദ്ദീഖ്​ രണ്ടാഴ്ചക്കകം മറുപടി നൽകണം

കൊ​ച്ചി: സേ​വ​ന നി​കു​തി​യു​മാ​യി ബ​ന്ധ​പ്പെ​ട്ട് ജി.​എ​സ്.​ടി വി​ഭാ​ഗം ന​ൽ​കി​യ കാ​ര​ണം കാ​ണി​ക്ക​ൽ നോ​ട്ടീ​സി​ൽ ര​ണ്ടാ​ഴ്ച​ക്ക​കം മ​റു​പ​ടി ന​ൽ​കാ​ൻ ന​ട​ൻ സി​ദ്ദീ​ഖി​ന് ഹൈ​കോ​ട​തി​യു​ടെ നി​ർ​ദേ​ശം. 2017 മു​ത​ൽ 2020 വ​രെ​യു​ള്ള നി​കു​തി​യു​മാ​യി ബ​ന്ധ​പ്പെ​ട്ടാ​ണ്​ ആ​ഗ​സ്റ്റ് ര​ണ്ടി​ന് നോ​ട്ടീ​സ് ന​ൽ​കി​യ​ത്. എ​ന്നാ​ൽ, നോ​ട്ടീ​സ് ന​ൽ​കാ​നു​ണ്ടാ​യ കാ​ല​താ​മ​സ​മ​ട​ക്കം ചോ​ദ്യം ചെ​യ്താ​ണ് ഹ​ര​ജി.

നി​കു​തി​യ​ട​ച്ച​തി​ൽ അ​പാ​ക​ത ഉ​ണ്ടെ​ങ്കി​ൽ മൂ​ന്നു​വ​ർ​ഷ​ത്തി​നു​ള്ളി​ൽ നോ​ട്ടീ​സ് ന​ൽ​ക​ണം. അ​ത​ല്ലെ​ങ്കി​ൽ നി​കു​തി വെ​ട്ടി​ക്കാ​ൻ ക​രു​തി​ക്കൂ​ട്ടി​യു​ള്ള ശ്ര​മം ഉ​ണ്ടാ​യി എ​ന്ന​തു​പോ​ലു​ള്ള കാ​ര​ണം ഉ​ണ്ടാ​ക​ണം. എ​ന്നാ​ൽ, അ​തൊ​ന്നും വ്യ​ക്ത​മാ​ക്കാ​തെ​യാ​ണ്​ നോ​ട്ടീ​സ്​ എ​ന്നാ​യി​രു​ന്നു ഹ​ര​ജി​ക്കാ​ര​ന്‍റെ വാ​ദം. എ​ന്നാ​ൽ, ഇ​ക്കാ​ര്യ​മ​ട​ക്കം ബ​ന്ധ​പ്പെ​ട്ട അ​തോ​റി​റ്റി​ക്ക്​ മു​ന്നി​ലാ​ണ് ഉ​ന്ന​യി​ക്കേ​ണ്ട​തെ​ന്ന് ജി.​എ​സ്.​ടി വി​ഭാ​ഗം വാ​ദി​ച്ചു.

ഇ​ത് ക​ണ​ക്കി​ലെ​ടു​ത്താ​ണ് നോ​ട്ടീ​സി​ന്​ മ​റു​പ​ടി ന​ൽ​കാ​ൻ ആ​വ​ശ്യ​പ്പെ​ട്ട്​ ജ​സ്റ്റി​സ് പി. ​ഗോ​പി​നാ​ഥ് ഹ​ര​ജി തീ​ർ​പ്പാ​ക്കി​യ​ത്. കാ​ല​താ​മ​സ​ത്തി​ന്‍റെ കാ​ര്യ​ത്തി​ൽ ഉ​ന്ന​യി​ച്ച പ​രാ​തി​യി​ൽ ആ​ദ്യം ഉ​ത്ത​ര​വ് പു​റ​പ്പെ​ടു​വി​ക്കാ​നും ഒ​ക്ടോ​ബ​ർ നാ​ലി​ന് ജി.​എ​സ്.​ടി വി​ഭാ​ഗ​ത്തി​ന് മു​ന്നി​ൽ ഹാ​ജ​രാ​കാ​നും നി​ർ​ദേ​ശി​ച്ചി​ട്ടു​ണ്ട്.