കുതിരവട്ടത്ത് നിന്ന് ചാടിപ്പോയ കൊലക്കേസ് പ്രതി വാഹനമോഷണത്തിനിടെ പിടിയിൽ
കോഴിക്കോട്: കുതിരവട്ടത്ത് നിന്ന് ചാടിപ്പോയ കൊലക്കേസ് പ്രതിയെ പിടികൂടി. നറുകര ഉതുവേലി കുണ്ടുപറമ്പില് വിനീഷിനെയാണ് കര്ണാടകയിലെ ധര്മസ്ഥലയില്നിന്ന് കണ്ടെത്തിയത്.
കോഴിക്കോട്ട് നിന്നു ട്രെയിനില് മംഗാലാപുരത്തും അവിടെ നിന്ന് ധര്മസ്ഥലയിലും എത്തുകയായിരുന്നു. ഇവിടെ നിന്ന് വാഹനം മോഷ്ടിക്കാന് ശ്രമിക്കുന്നതിനിടെ നാട്ടുകാര് പിടികൂടി പൊലീസില് ഏല്പ്പിച്ചു. പ്രതിയെ കൊണ്ടുവരാന് പൊലീസുകാര് ധര്മസ്ഥലയിലേക്ക് തിരിച്ചു.
പെരിന്തല്മണ്ണ ദൃശ്യ കൊലക്കേസിലെ പ്രതിയാണ് വിനീഷ്. മാനസികാസ്വാസ്ഥ്യം പ്രകടിപ്പിച്ചതിനെ തുടര്ന്ന് കണ്ണൂര് സെന്ട്രല് ജയിലില്നിന്ന് മൂന്നു ദിവസം മുമ്പാണ് ഇദ്ദേഹത്തെ കുതിരവട്ടത്ത് എത്തിച്ചത്. 2021 ജൂണില് ഏലംകുളം എളാട് കൂഴന്തറ ചെമ്മാട്ടില് സി.കെ. ബാലചന്ദ്രന്റെ മകള് ദൃശ്യയെ (21) കുത്തിക്കൊലപ്പെടുത്തിയ കേസിലെ പ്രതിയാണ് വിനീഷ്.
വിവാഹാഭ്യര്ഥന നിരസിച്ചതിന്റെ പേരില് ദൃശ്യയെ കിടപ്പുമുറിയില് കയറി പ്രതി കുത്തിക്കൊലപ്പെടുത്തിയെന്നാണ് കേസ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.