Posted On
date_range Updated On
date_range കഞ്ചാവ് ലഹരിയിൽ കാറുമായി 'ചീറിപാഞ്ഞു'; ദമ്പതികളെ ക്രെയിൻ കുറുകെയിട്ട് പിടികൂടി പൊലീസ്
കോട്ടയം: കഞ്ചാവ് ലഹരിയിൽ അപകടകരമായി വാഹനമോടിച്ച ദമ്പതികളെ സാഹസികമായി പിടികൂടി പൊലീസ്. കായംകുളം സ്വദേശി അരുൺ, ഭാര്യ ധനുഷ എന്നിവരാണ് അറസ്റ്റിലായത്.
എം.സി.റോഡിൽ കോട്ടയം മറിയപള്ളി മുതൽ ചിങ്ങവനം വരെയായിരുന്നു ഇവരുടെ അപകടരമായ കാറോട്ടം. നിരവധി വാഹനങ്ങൾ ഇടിച്ച് നിർത്താതെ പോയ കാർ തടയാൻ നാട്ടുകാർ ശ്രമിച്ചെങ്കിലും കഴിഞ്ഞിരുന്നില്ല. കാറിനെ പിന്തുടർന്ന പൊലീസ് ക്രെയിൻ കുറുകെ നിർത്തായാണ് കാർ തടഞ്ഞത്.
ചിങ്ങവനം പൊലീസ് സ്റ്റേഷന് സമീപത്ത് വെച്ചാണ് പിടികൂടിയത്. പുറത്തിറങ്ങാൻ തയാറാവാതിരുന്ന ഇവരെ പൊലീസ് ബലം പ്രയോഗിച്ചാണ് വാഹനത്തിൽ നിന്നും ഇറക്കിയത്. കാറിൽ നടത്തിയ പരിശോധയിൽ അഞ്ച് ഗ്രാം കഞ്ചാവ് പിടിച്ചെടുത്തു. പിടികൂടുമ്പോൾ ഇരുവരും ലഹരിയിലായിരുന്നെന്നും യുവതി കൂടുതൽ അക്രമാസക്തയായിരുന്നെന്നും പൊലീസ് പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.