ചങ്ങനാശ്ശേരി: സ്കൂട്ടറിനു മുകളിൽ വാൻ മറിഞ്ഞ് പരിക്കേറ്റ് ചികിത്സയിലായിരുന്ന യുവതി മരിച്ചു. കോട്ടയം എ.ആര് ക്യാമ്പ് ഡോഗ് സ്ക്വാഡ് എസ്.ഐ കുരിശുംമൂട് മഠത്തിച്ചിറ ടി.എം. ആന്റണിയുടെ ഭാര്യ ഭാര്യ ബ്രിജി വര്ഗീസ് (45) ആണ് മരിച്ചത്. ചങ്ങനാശേരിയില് ആധാരം എഴുത്ത് ഓഫീസ് ജീവനക്കാരിയും പുന്നമട ഇത്തിക്കായിപ്പുറം കുടുംബാംഗവുമാണ്.
കഴിഞ്ഞ ശനിയാഴ്ച പുലര്ച്ചെ 4.45ന് സ്കൂട്ടറില് ചെത്തിപ്പുഴ പള്ളിയിലേക്ക് പോകുന്ന വഴി കൂരിശൂംമൂട് പുന്നശേരി ബേക്കറിക്കു സമീപത്തുവച്ചാണ് അപകടം. പാല് കയറ്റിവന്ന വാന് നിയന്ത്രണംവിട്ട് സ്കൂട്ടറിനു മുകളിലേക്ക് മറിയുകയായിരുന്നു. വാനിന്റെ അടിയില്പ്പെട്ടു ഗുരുതര പരിക്കേറ്റ ബ്രിജിയെ ചെത്തിപ്പുഴയിലെ സ്വകാര്യ ആശുപത്രിയിലും തുടര്ന്ന് വിദഗ്ധ ചികിത്സയ്ക്കായി തെള്ളകത്തെ സ്വകാര്യ ആശുപത്രിയിലും പ്രവേശിപ്പിച്ചു. ചികിത്സയിലിരിക്കേ ഇന്നലെ ഉച്ചയോടെയാണ് മരിച്ചത്.
മക്കള്: അഡോണ്, ആഗ്നസ്. സംസ്കാരം പിന്നീട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.