ഉറങ്ങിക്കിടന്ന നാലര വയസുകാരൻ പാമ്പുകടിയേറ്റ് മരിച്ചു

പാലക്കാട്: വീട്ടിൽ മാതാപിതാക്കൾക്കൊപ്പം ഉറങ്ങിക്കിടന്ന നാലര വയസുകാരൻ പാമ്പുകടിയേറ്റ് മരിച്ചു. പാലക്കാട് മലമ്പുഴയിലാണ് സംഭവം. വലിയകാട് എൻ. രവീന്ദ്രന്റെയും ബബിതയുടെയും മകൻ അദ്വിഷ് കൃഷ്ണയാണ് മരിച്ചത്.

ഉറങ്ങിക്കിടക്കുന്ന കുഞ്ഞിന്റെ മുഖത്തേക്ക്  വീടിന്റെ മേൽക്കൂരയിൽ നിന്ന് പാമ്പ്  വീഴുകയായിരുന്നു. ഇന്നലെ പുലർച്ചെ മൂന്നോടെ മലമ്പുഴ കുനുപ്പള്ളിയിലെ ബബിതയുടെ വീട്ടിലായിരുന്നു സംഭവം. 

ഷീറ്റിട്ടതായിരുന്നു വീടിന്റെ മേൽക്കൂര. കുട്ടിയെ പുല​ർച്ചെ ജില്ലാ ആശുപത്രിയിൽ എത്തിച്ചു. വിദഗ്ധ ചികിത്സക്കായി തൃശൂർ മെഡിക്കൽ കോളജിലേക്ക് കൊണ്ടുപോയെങ്കിലും രക്ഷിക്കാനായില്ല.