വൈത്തിരി: വയനാട് പൂക്കോട് നവോദയ വിദ്യാലയത്തിലെ 40 വിദ്യാർഥികളെ കൂടി ശാരീരിക അസ്വാസ്ഥ്യങ്ങളെ തുടർന്ന് ആശുപത്രിയിൽ പ്രവേശിപ്പിച്ചു. ഇന്നലെ 45 വിദ്യാർഥികൾ ചികിത്സ തേടിയിരുന്നു. വൈത്തിരി താലൂക്ക് ഹെഡ് ക്വാർട്ടേഴ്സ് ആശുപത്രിയിലാണ് വിദ്യാർഥികൾ ചികിത്സയിലുള്ളത്.
ഞായറാഴ്ച രാത്രി കാന്റീനിൽനിന്ന് ഭക്ഷണം കഴിച്ച കുട്ടികളെയാണ് ആശുപത്രിയിൽ പ്രവേശിപ്പിച്ചത്. എല്ലാവരും ആശുപത്രിയിൽ നിരീക്ഷണത്തിലാണുള്ളത്. ആരുടെയും നില ഗുരുതരമല്ലെന്നാണ് ആശുപത്രി അധികൃതർ അറിയിച്ചത്. ഭക്ഷ്യവിഷബാധയാണോ എന്ന് സ്ഥിരീകരിക്കുന്നതിനുള്ള ലാബ് പരിശോധനക്കായി സാമ്പിളുകൾ കുട്ടികളിൽനിന്ന് ശേഖരിച്ചതായി ആശുപത്രി സൂപ്രണ്ട് ഡോ. ഷെറിൻ അറിയിച്ചു.
നേരത്തെയും നവോദയ വിദ്യാലയത്തിലെ വിദ്യാർഥികൾക്ക് ഭക്ഷ്യവിഷബാധ ഏറ്റതിനെ തുടർന്ന് ചികിത്സ തേടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.