തിരുവനന്തപുരം: സ്പീക്കർ തെരഞ്ഞെടുപ്പിൽ ബി.ജെ.പി എം.എൽ.എ ഒ. രാജഗോപാൽ എൽ.ഡി.എഫിന് വോട്ട് ചെയ്തതിലൂടെ ബി.ജെ.പി -എൽ.ഡി.എഫ് കൂട്ടുകെട്ട് വ്യക്തമായെന്ന് പ്രതിപക്ഷ നേതാവ് രമേശ് ചെന്നിത്തല. യു.ഡി.എഫിന്‍റെ വോട്ട് കുറഞ്ഞത് പരിശോധിക്കുമെന്നും അദ്ദേഹം പറഞ്ഞു.
വോട്ട് കുറഞ്ഞത് മന:പൂർവ്വമല്ല. പരിചയക്കുറവ് കൊണ്ട് സംഭവിച്ചതാകാം. യു.ഡി.എഫിന് ബി.ജെ.പിയുടെ വോട്ട് വേണ്ടെന്ന കാര്യം നേരത്തെ വ്യക്തമാക്കിയതാണെന്നും മാധ്യമങ്ങളോട് പറഞ്ഞു.
മുല്ലപ്പെരിയാർ വിഷയത്തിൽ മുൻ സർക്കാർ സ്വീകരിച്ച നിലപാട് തന്നെയാണ് എൽ.ഡി.എഫ് സർക്കാറും സ്വീകരിക്കേണ്ടത്. മറിച്ചായാൽ അണക്കെട്ട് സുരക്ഷിതമല്ലെന്ന കേരളത്തിന്‍റെ വാദം കോടതിയിൽ ദുർബലപ്പെടും. അണക്കെട്ട് പരിശോധനക്ക് അന്താരാഷ്ട്ര സംഘത്തെ നിയോഗിക്കുമെന്ന മുഖ്യമന്ത്രിയുടെ പ്രസ്താവന സ്വാഗതാർഹമാണെന്നും ചെന്നിത്തല വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.