കോട്ടയം: കേരളത്തിന്റെ കാര്ഷിക മേഖലയിലെ പ്രതിസന്ധികള് പരിഹരിക്കണമെന്നാവശ്യപ്പെട്ട് കേരള കോണ്ഗ്രസ്- എം ജനറല് സെക്രട്ടറി ജോസ് കെ. മാണി എം.പി ഇന്ന് മുതല് അനിശ്ചിത കാല നിരാഹാര സമരം നടത്തും. കോട്ടയം ഗാന്ധി സ്ക്വയറില് ഗാന്ധിപ്രതിമയ്ക്കു മുന്നില് പ്രത്യേകം തയാറാക്കിയ വേദിയിലാണ് സമരം. കേരള കോണ്ഗ്രസ്- എം വര്ക്കിംഗ് ചെയര്മാന് മന്ത്രി പി.ജെ. ജോസഫ് രാവിലെ 10ന് നിരാഹാര സമരം ഉദ്ഘാടനം ചെയ്യും.
റബര് വിലത്തകര്ച്ച പരിഹരിക്കാന് കേന്ദ്ര സര്ക്കാര് അടിയന്തരമായി ഇടപെടുക, റബറിന്റെ വില കിലോക്ക് 200 രൂപ ഉറപ്പാക്കുക, വിലസ്ഥിരതാ ഫണ്ടില്നിന്നു കര്ഷകര്ക്കു സബ്സിഡി അനുവദിക്കുന്നതിനു തുക നല്കുക, റബര് ഇറക്കുമതി പൂര്ണമായും നിരോധിക്കുക, റബര് ബോര്ഡ് പുനഃസംഘടിപ്പിച്ചു സ്വതന്ത്ര ചെയര്മാനെ നിയമിക്കുക, ബില്ലുകള് ഒറ്റത്തവണയായി പണം നല്കാന് നടപടി സ്വീകരിക്കുക, റബറിന് ന്യായമായ വില ലഭിക്കും വരെ കര്ഷകരുടെ എല്ലാ നികുതിയും എഴുതിത്തള്ളുക തുടങ്ങിയ ആവശ്യങ്ങള് ഉന്നയിച്ചാണു നിരാഹാര സമരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.