മുന്നണി വിടാൻ മാണി നേരത്തെ തീരുമാനിച്ചു -വി.എം സുധീരൻ

തിരുവനന്തപുരം: മുന്നണി വിടാൻ മാണി നേരത്തെ തീരുമാനിച്ചുവെന്നും പിന്നീടാണ്​ അതിനുള്ള കാരണം കണ്ടെത്തിയതെന്നും കെ.പി.സി.സി അധ്യക്ഷൻ വി.എം സുധീരൻ. കോൺഗ്രസ്​ ഒറ്റക്കെട്ടാണ്​. തെരഞ്ഞെടുപ്പിന് ശേഷം കോൺഗ്രസിനോടോ യു.ഡി.എഫിലോ കെ.എം മാണി ഒരു പരാതിയും ഉന്നയിച്ചിട്ടില്ല. അവരുടെ പാർട്ടി പ്രതിനിധികളും പ്രശ്​നങ്ങൾ ഉന്നയിച്ചില്ല. തെരഞ്ഞെടുപ്പിന്​ മുമ്പ്​ കേരള കോൺഗ്രസിൽ നിന്ന്​ ഫ്രാൻസിസ്​ ജോർജും കൂട്ടരും പാർട്ടിവിട്ട്​ പോയിട്ടും അവർക്ക്​ തെരഞ്ഞെടുപ്പിൽ 15 സീറ്റുകൾ നൽകി. ഇത്​ കോൺഗ്രസി​െൻറ മര്യാദയാണെന്നും സുധീരൻ പറഞ്ഞു​.

സംസ്​ഥാനത്ത്​ ബി.ജെ.പി പോലുള്ള വർഗീയ ശക്​തികൾ ശക്​തിയാർജ്ജിക്കുന്ന സമയത്താണ്​ മാണി വിഭാഗം മുന്നണി വിടുന്നതെന്നത്​ വേദനാജനകമാണ്. തെരഞ്ഞെടുപ്പുകളിൽ പരാജയപ്പെട്ടാൽ അടിപതറാതെ ഒരുമിച്ച്​ നിൽക്കുകയാണ്​ വേണ്ടത്​. അല്ലാതെ അതിൽ നിന്ന്​ ഒളിച്ചോടുന്നത്​ രാഷ്​ട്രീയ തറവാടിത്തത്തിന്​ ചേർന്നതല്ലെന്നും സുധീരൻ കുറ്റപ്പെടുത്തി.

കോൺഗ്രസ്​ മാണിയുമായി നീതിപൂർവമായി മാത്രമേ പെരുമാറിയിട്ടുള്ളൂ. കോൺഗ്രസിൽ ഭിന്നതയുണ്ടാക്കാനാണ്​ മാണിയുടെ ശ്രമം. അത്​ വിലപോവില്ലെന്നും സുധീരൻ പറഞ്ഞു. ബി.ജെ.പിക്കും സി.പി.എമ്മിനും കേരള കോൺഗ്രസിനോട്​ മൃദു സമീപനമാണുള്ളതെന്നും സുധീരൻ ആരോപിച്ചു.