ആലപ്പുഴ: മുന്‍ എം.എല്‍.എ ശോഭന ജോര്‍ജ് കോൺഗ്രസ് വിട്ടു. ചെങ്ങന്നൂർ സീറ്റിൽ സ്വതന്ത്ര സ്ഥാനാർഥിയായി മത്സരിക്കുന്നതിന്‍റെ ഭാഗമായാണ് രാജി. പാർട്ടി വിടുന്ന കാര്യം മുഖ്യമന്ത്രി ഉമ്മൻചാണ്ടിയെയും കെ.പി.സി.സി അധ്യക്ഷൻ വി.എം സുധീരനെയും അറിയിച്ചെന്ന് ശോഭന മാധ്യമങ്ങളോട് പറഞ്ഞു. തനിക്ക് യാതൊരു അംഗീകാരവുമില്ലാത്ത പാർട്ടിയിൽ തുടരാനില്ലെന്നും അവർ അറിയിച്ചു.
കഴിഞ്ഞ ദിവസം മിഷന്‍ ചെങ്ങന്നൂര്‍ ഓഫിസില്‍ നടന്ന ജന്മദിന ആഘോഷങ്ങള്‍ക്ക് ശേഷം തെരഞ്ഞെടുപ്പ് പ്രവര്‍ത്തനങ്ങൾ ശോഭന ജോര്‍ജ് തുടങ്ങിയിരുന്നു. മിഷന്‍ ചെങ്ങന്നൂരിന്‍റെ ചെയര്‍പേഴ്സണ്‍ കൂടിയായ ശോഭന ജോര്‍ജ് ഏറെ നാളായി ജീവകാരുണ്യ പ്രവര്‍ത്തനരംഗത്ത് സജീവമാണ്.
കഴിഞ്ഞ നിയമസഭ തെരഞ്ഞെടുപ്പിൽ ചെങ്ങന്നൂരിൽ നിന്ന് സ്വതന്ത്രയായി മൽസരിക്കാൻ ശോഭന ജോർജ് നാമനിർദേശപത്രിക സമർപ്പിച്ചിരുന്നു. എന്നാൽ പാർട്ടി ഇടപെട്ടതിനെ തുടർന്ന് പിൻവലിപ്പിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.