തിരുവനന്തപുരം: തദ്ദേശ വാര്ഡ് വിഭജനം സംബന്ധിച്ച് ഉയര്ന്ന വിവാദങ്ങളില് മുസ് ലിം ലീഗിനെ പിന്തുണച്ച് മുഖ്യമന്ത്രി ഉമ്മന്ചാണ്ടി. ഇക്കാര്യത്തില് ലീഗിനെ ഒറ്റപ്പെടുത്തേണ്ട കാര്യമി െല്ലന്ന് മുഖ്യമന്ത്രി പറഞ്ഞു. തീരുമാനം എല്ലാവരും ഒന്നിച്ച് എടുത്തതാണെന്നും മുഖ്യമന്ത്രി തിരുവനന്തപുരത്ത് മാധ്യമപ്രവര്ത്തകരോട് പറഞ്ഞു.
തദ്ദേശ തെരഞ്ഞെടുപ്പ് സമയബന്ധിതമായി നടത്താന് ശ്രമിക്കും. ഘട്ടംഘട്ടമായി തെരഞ്ഞെടുപ്പ് നടത്തണമെന്നുള്ള ആവശ്യം സര്ക്കാര് മുന്നോട്ടുവെച്ചിട്ടില്ല. എല്ലാ കാര്യങ്ങളും കോടതിയെ സര്ക്കാര് അറിയിക്കും. ജനഹിതമനുസരിച്ചാണ് വാര്ഡ് വിഭജനം നടത്തിയത്. വാര്ഡ് വിഭജനത്തില് കോടതി തീരുമാനം അനുസരിച്ച് മുന്നോട്ടുപോകുമെന്നും മുഖ്യമന്ത്രി പറഞ്ഞു.
വിഴിഞ്ഞം പദ്ധതിയുമായി ബന്ധപ്പെട്ട് സര്ക്കാറിന് ഒളിക്കാന് ഒന്നുമില്ല. പദ്ധതി കേരളത്തിന്െറ വികാരമാണ്. കരാര് സംബന്ധിച്ചുള്ള കാര്യങ്ങള് വെബ്സൈറ്റില് നേരത്തെ തന്നെ പ്രസിദ്ധപ്പെടുത്തിയതാണ്. ഒരാള്ക്കും ബുദ്ധിമുട്ടുണ്ടാക്കി പദ്ധതി നടപ്പാക്കണമെന്ന് സര്ക്കാറിന് ആഗ്രഹമി െല്ലന്നും മുഖ്യമന്ത്രി വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.