കൊണ്ടോട്ടി: അടുത്ത വര്ഷത്തെ ഹജ്ജ് തീര്ഥാടനത്തിനായി സംസ്ഥാന ഹജ്ജ് കമ്മിറ്റി മുഖേന അപേക്ഷ സമര്പ്പണം തുടരുന്നു. ഇതുവരെ 15,261 അപേക്ഷകളാണ് ലഭിച്ചത്. ഇതില് 3406 പേര് 65 വയസ്സിന് മുകളിലുള്ളവരും 1641 പേര് പുരുഷ മഹ്റം കൂടെയില്ലാത്ത വനിതകളുമാണ്. ഈ രണ്ടു വിഭാഗങ്ങളിലുള്ളവര്ക്കും നറുക്കെടുപ്പില്ലാതെ ഹജ്ജിന് അവസരം ലഭിക്കും. 10,214 അപേക്ഷകളാണ് ജനറല് വിഭാഗത്തില് ലഭിച്ചത്. ഓൺലൈനായി അപേക്ഷ സമര്പ്പിക്കാന് സെപ്റ്റംബര് 23 വരെയാണ് അവസരം.
ലഭിച്ച അപേക്ഷകളില് സ്വീകാര്യമായവക്ക് കവര് നമ്പർ അനുവദിച്ചുതുടങ്ങിയിട്ടുണ്ട്. കവര് നമ്പര് മുഖ്യ അപേക്ഷന് എസ്.എം.എസായി ലഭിക്കും. ഹജ്ജ് കമ്മിറ്റിയുടെ വെബ്സൈറ്റില് അപേക്ഷകരുടെ യൂസര് ഐഡിയും പാസ് വേഡും ഉപയോഗിച്ച് ലോഗിന് ചെയ്തും കവര് നമ്പര് പരിശോധിക്കാം. 2024 സെപ്റ്റംബര് 23നകം അനുവദിച്ചതും 2026 ജനുവരി 15 വരെയെങ്കിലും കാലാവധിയുമുള്ളതുമായ പാസ്പോര്ട്ട് ഉള്ളവര്ക്ക് അപേക്ഷ സമര്പ്പിക്കാം. ഇതിനുള്ള മാര്ഗനിര്ദേശങ്ങള് ഹജ്ജ് കമ്മിറ്റി വെബ്സൈറ്റിലുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.