പാരിസ്: അടുത്ത വര്‍ഷം നടക്കുന്ന പ്രസിഡന്‍റ് തെരഞ്ഞെടുപ്പില്‍ മത്സരിക്കാനൊരുങ്ങുന്നുവെന്ന വാര്‍ത്തകള്‍ മുന്‍ ഫ്രാന്‍സ് പ്രസിഡന്‍റ് നികളസ് സാര്‍കോസി ശരിവെച്ചു. പ്രസിഡന്‍റ് മത്സരത്തിലേക്കുള്ള ആദ്യ ചുവടിന്‍െറ ഭാഗമായി റിബ്ളപ്പിക്കന്‍ പാര്‍ട്ടി നേതൃപദവിയൊഴിയുന്നതായും അദ്ദേഹം പ്രഖ്യാപിച്ചു. 2012ലെ പ്രസിഡന്‍റ് തെരഞ്ഞെടുപ്പില്‍ സോഷ്യലിസ്റ്റ് പാര്‍ട്ടിയിലെ ഫ്രാങ്സ്വ ഓലന്‍ഡിനോട് സാര്‍കോസി പരാജയപ്പെട്ടിരുന്നു. പാര്‍ട്ടിയുടെ പ്രൈമറി മത്സരങ്ങള്‍ നവംബറില്‍ തുടങ്ങും. തെരഞ്ഞെടുപ്പില്‍ ഇതിനകം തന്നെ സ്ഥാനാര്‍ഥികളെ പ്രഖ്യാപിച്ച 13 പാര്‍ട്ടികളുമായി സാര്‍കോസിയുടെ മത്സരം കടുക്കുമെന്നാണ് വിലയിരുത്തല്‍.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.