യൂത്ത് ലീഗ് ദേശീയ സമ്മേളനം ഹൈദരാബാദിൽ; യൂ​ത്ത്​ ലീ​ഗ്​ വൈ​റ്റ്​ ഗാ​ർ​ഡ്​ മ​റ്റു സം​സ്ഥാ​ന​ങ്ങ​ളി​ലേ​ക്ക്​

ന്യൂ​ഡ​ൽ​ഹി: മു​സ്​​ലിം യൂ​ത്ത് ലീ​ഗ് ദേ​ശീ​യ സ​മ്മേ​ള​നം ഫെ​ബ്രു​വ​രി 12, 13 തീ​യ​തി​ക​ളി​ൽ ഹൈ​ദ​രാ​ബാ​ദി​ൽ ന​ട​ക്കും. ഡ​ൽ​ഹി കെ.​എം.​ഡ​ബ്ല്യൂ.​എ ഹാ​ളി​ൽ ചേ​ർ​ന്ന മു​സ്​​ലിം യൂ​ത്ത് ലീ​ഗ് ദേ​ശീ​യ നി​ർ​വാ​ഹ​ക സ​മി​തി യോ​ഗ​മാ​ണ്​ യൂ​ത്ത് ലീ​ഗി​ന്‍റെ ര​ണ്ടാ​മ​ത് ദേ​ശീ​യ സ​മ്മേ​ള​നം ന​ട​ത്താ​ൻ തീ​രു​മാ​നി​ച്ച​ത്. രാ​ജ്യ​ത്തെ വി​വി​ധ സം​സ്ഥാ​ന​ങ്ങ​ളി​ൽ നി​ന്ന് തി​ര​ഞ്ഞെ​ടു​ക്ക​പ്പെ​ട്ട പ്ര​തി​നി​ധി​ക​ളാ​ണ് ദ്വി​ദി​ന സ​മ്മേ​ള​ന​ത്തി​ൽ പ​ങ്കെ​ടു​ക്കു​ക.

രാ​ജ്യ​ത്തെ എ​ല്ലാ പ്ര​ധാ​ന ന​ഗ​ര​ങ്ങ​ളി​ലും മു​സ്​​ലിം യൂ​ത്ത് ലീ​ഗ് ഘ​ട​ക​ങ്ങ​ൾ രൂ​പ​വ​ത്​​ക​രി​ക്കാ​നും മൂ​ന്നു മാ​സ​ത്തി​ന​കം വ​ൻ ന​ഗ​ര​ങ്ങ​ളി​ൽ ക​മ്മി​റ്റി​ക​ളു​ണ്ടാ​ക്കാ​നും യോ​ഗം തീ​രു​മാ​നി​ച്ചു. വി​വി​ധ സം​സ്ഥാ​ന​ങ്ങ​ളി​ലെ യൂ​ത്ത് ലീ​ഗ് ക​മ്മി​റ്റി​ക​ളു​ടെ ആ​ഭി​മു​ഖ്യ​ത്തി​ൽ ജി​ല്ല കേ​ന്ദ്ര​ങ്ങ​ളി​ൽ ജ​ന​സേ​വ​ന​കേ​ന്ദ്ര​ങ്ങ​ൾ ആ​രം​ഭി​ക്കും. ഇ​തി​ന്‍റെ ദേ​ശീ​യ ത​ല ഉ​ദ്ഘാ​ട​നം ഹ​രി​യാ​ന​യി​ലെ മേ​വാ​തി​ൽ ന​ട​ക്കും. കേ​ര​ള​ത്തെ മാ​തൃ​ക​യാ​ക്കി ഡ​ൽ​ഹി​യി​ൽ ആ​രം​ഭി​ച്ച വൈ​റ്റ്ഗാ​ർ​ഡ് എ​ല്ലാ സം​സ്ഥാ​ന​ങ്ങ​ളി​ലും ന​ട​പ്പാ​ക്കാ​ൻ യോ​ഗം തീ​രു​മാ​നി​ച്ചു.

മു​സ്​​ലിം ലീ​ഗ് ദേ​ശീ​യ സെ​ക്ര​ട്ട​റി ഖു​ർ​റം അ​നീ​സ് ഉ​മ​ർ നി​ർ​വാ​ഹ​ക സ​മി​തി യോ​ഗം ഉ​ദ്ഘാ​ട​നം ചെ​യ്തു. യൂ​ത്ത് ലീ​ഗ് ദേ​ശീ​യ പ്ര​സി​ഡ​ന്‍റ്​ ആ​സി​ഫ് അ​ൻ​സാ​രി അ​ധ്യ​ക്ഷ​ത വ​ഹി​ച്ചു. ജ​ന​റ​ൽ സെ​ക്ര​ട്ട​റി അ​ഡ്വ: വി.​കെ. ഫൈ​സ​ൽ ബാ​ബു , ദേ​ശീ​യ വൈ​സ് പ്ര​സി​ഡ​ന്‍റു​മാ​രാ​യ മു​ഹ​മ്മ​ദ് ആ​രി​ഫ് റ​ഹ്ബ​ർ (ഉ​ത്ത​ർ പ്ര​ദേ​ശ്) ,സു​ബൈ​ർ ഖാ​ൻ (മ​ഹാ​രാ​ഷ്ട്ര) സെ​ക്ര​ട്ട​റി​മാ​രാ​യ ന​സ്റു​ള്ള ഖാ​ൻ (ത​മി​ഴ്​​നാ​ട്) ഉ​മ​ർ ഫാ​റൂ​ഖ് ഇ​നാം​ദാ​ർ (ക​ർ​ണാ​ട​ക) എ​ന്നി​വ​ർ സം​സാ​രി​ച്ചു.