ലഖ്നോ: ഡൽഹി ഉൾപ്പടെയുള്ള വൻ നഗരങ്ങളിൽ നിന്ന് ഒരു അന്തർ സംസ്ഥാന തൊഴിലാളി പോലും കാൽനടയായി ഉത്തർപ്രദേശിലേക്ക് മടങ്ങരുതെന്ന് മുഖ്യമന്ത്രി യോഗി ആദിത്യനാഥ്. ഇതുമായി ബന്ധപ്പെട്ട് ഉദ്യോഗസ്ഥർക്ക് യോഗി കർശന നിർദേശം നൽകി. അന്തർ സംസ്ഥാന തൊഴിലാളികളെ തിരിച്ചെത്തിക്കാനുള്ള നടപടികളെല്ലാം സംസ്ഥാന സർക്കാർ പൂർത്തിയാക്കിയിട്ടുണ്ടെന്നും അദ്ദേഹം പറഞ്ഞു.
കഴിഞ്ഞ ദിവസം ഡൽഹിയിൽ നിന്ന് നോയിഡയിലേക്ക് കാൽനടയായി പുറപ്പെട്ട 172 തൊഴിലാളികളെ യു.പി പൊലീസ് തടഞ്ഞിരുന്നു. ബുലന്ദ്ശഹറിൽ തടഞ്ഞ ഇവരെ പിന്നീട് ഒരു കോളജിലേക്ക് മാറ്റി. വൈകാതെ ഇവരെ നാട്ടിലെത്തിക്കുമെന്നും യു.പി പൊലീസ് അറിയിച്ചു.
ഡൽഹി, ഹരിയാന, രാജസ്ഥാൻ തുടങ്ങിയ സംസ്ഥാനങ്ങളിൽ നിന്ന് നൂറുകണക്കിന് അന്തർ സംസ്ഥാന തൊഴിലാളികളാണ് കാൽനടയായി യു.പിയിലേക്ക് വരുന്നത്. ഇവരിൽ പലരും അപകടത്തിൽ മരിച്ച സംഭവങ്ങളുമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.