എന്താണ്​ ആർട്ടിക്കിൾ 370 ?

ജമ്മുകശ്​മീർ: ജമ്മുകശ്​മീരിന്​ ഭരണഘടന പ്രകാരം പ്രത്യേക പദവി നൽകുന്ന ആർട്ടിക്കിൾ 370 എടുത്തു കളഞ്ഞിരിക്കുകയാണ ്​. കേന്ദ്ര ആഭ്യന്തര മന്ത്രി അമിത്​ഷായാണ്​ പാർലമ​​​​െൻറിൽ ഇതു സംബന്ധിച്ച പ്രഖ്യാപനം നടത്തിയത്​. എന്താണ്​ ആർട ്ടിക്കിൾ 370?

ആർട്ടിക്കിൾ 370 :

ഭരണഘടനയുടെ ഇരുപത്തിയൊന്നാം അനുച്ഛേദത്തിലെ ആർട്ടിക്കിൾ 370 പ്രകാരമാണ് രാജ്യത്തെ​ മറ്റ്​ സംസ്ഥാനങ്ങളിൽ നിന്ന്​ വ്യത്യസ്​തമായി കശ്​മീരിന്​ പ്രത്യേക പദവി ലഭിക്കുന്നത്​. മറ്റ് സംസ്ഥ ാനങ്ങളുമായി ബന്ധപ്പെട്ട എല്ലാ വകുപ്പുകളും നിയമങ്ങളും ജമ്മു കശ്മീരിന്‍റെ കാര്യത്തിൽ നിലനിൽക്കുന്നതല്ലെന്ന് വ്യക്തമാക്കുന്നതാണ്​ ഈ വകുപ്പ്. മാറ്റം വരാവുന്നതും താൽക്കാലികവുമായ പ്രത്യേക നിബന്ധനയുള്ളതാണിത്​. ആര്‍ട്ടിക്കിള്‍ 370 പ്രകാരം ജമ്മുകശ്മീരിലെ പൗരന്മാരുടെ സ്വത്തവകാശവും മൗലികാവകാശങ്ങളും സംസ്ഥാനത്തെ നിയമ സംഹിതയുമെല്ലാം മറ്റ് സംസ്ഥാനങ്ങളില്‍ നിന്ന്​ തീര്‍ത്തും വ്യത്യസ്തമാണ്.

പ്രത്യേകതകൾ:

• 1949 ഒക്​ടോബർ 17നാണ്​ ആർട്ടിക്കിൾ 370 നിലവിൽ വരുന്നത്​
• ആർട്ടിക്കിൾ 370 പ്രകാരം പ്രതിരോധം, ധനകാര്യം, വിദേശനയം, വാർത്താവിനിമയം എന്നീ വകുപ്പുകള്‍ ഒഴികെ കേന്ദ്രം പുറപ്പെടുവിക്കുന്ന നിയമങ്ങൾ ജമ്മുകശ്​മീരിന്​ ബാധകമല്ല.
• കേന്ദ്രത്തിൻെറ അനുവാദമില്ലാ​െത തന്നെ കശ്​മീരിന്​ സ്വന്തമായി നിയമം നിർമിച്ച്​ സംസ്ഥാനത്തിനകത്ത്​ നടപ്പിലാക്കാം
• സ്വന്തം ഭരണഘടനയും സ്വന്തം പതാകയുമായി ഇന്ത്യൻ അതിർത്തിക്കകത്തുള്ള ഏക സംസ്ഥാനമാണ്​ ജമ്മുകശ്​മീർ.
• കശ്​മീരിന്​ പുറത്തുള്ള ആർക്കും സംസ്ഥാനത്തിനകത്ത്​ ഭൂമി വാങ്ങാൻ അനുവാദമില്ല.
• പ്രതിരോധം, ധനകാര്യം, വിദേശനയം, വാർത്താവിനിമയം എന്നീ വകുപ്പുകള്‍ ഒഴികെയുള്ള നിയമങ്ങള്‍ ജമ്മു കശ്മീരില്‍ പ്രാവര്‍ത്തികമാക്കണമെങ്കില്‍ കേന്ദ്രത്തിന് സംസ്ഥാന സര്‍ക്കാരിന്‍റെ അനുവാദം ആവശ്യമാണ്​.

വിഭജനത്തെ തുടർന്ന്​ ഇന്ത്യൻ യൂണിയനൊപ്പം ചേരാൻ അന്നത്തെ നാട്ടുരാജാവായ ഹരി സിങ് മഹാരാജാവ്​ തീരുമാനിക്കുകയായിരുന്നു. ഇദ്ദേഹത്തിൽ നിന്നാണ് ജമ്മുകശ്മീർ സംസ്ഥാന രൂപീകരണത്തിന് ശേഷം ​നാഷണൽ കോൺഫറൻസ് നേതാവ് ശൈഖ്​ അബ്ദുല്ല ഭരണം ഏറ്റെടുത്തത്​. 1949ൽ ആണ്​ ഭരണഘടനയിൽ 370ാം വകുപ്പ് ചേർക്കുന്നത്​. സ്വയം ഭരണാവകാശം നൽകുന്ന, സ്ഥിരമായ വകുപ്പായിരിക്കണം ഇ​െതന്ന ശൈഖ്​ അബ്ദുല്ലയുടെ ആവശ്യം പക്ഷെ കേന്ദ്രം അനുവദിച്ചില്ല.