കനത്ത മഴ: ബംഗളൂരുവിൽ ഇന്ന് വിദ്യാഭ്യാസ സ്ഥാപനങ്ങൾക്ക് അവധി

ബംഗളൂരു: കനത്ത മഴ തുടരുന്ന സാഹചര്യത്തിൽ ബംഗളൂരു നഗരത്തിൽ എല്ലാ വിദ്യാഭ്യാസ സ്ഥാപനങ്ങൾക്കും ചൊവ്വാഴ്ച അവധി പ്രഖ്യാപിച്ചു.

മഴ കൂടുതൽ ശക്തമാകുമെന്ന കാലാവസ്ഥ വകുപ്പ് മുന്നറിയിപ്പിനെ തുടർന്നാണ് നഗരത്തിലെ സ്കൂളുകൾക്കും പി.യു കോളജുകൾക്കും ബംഗളൂരു അർബൻ ഡെപ്യൂട്ടി കമീഷണർ കെ. ശ്രീനിവാസ അവധി പ്രഖ്യാപിച്ചത്. നഗരത്തിലെ പലയിടങ്ങളിലും വെള്ളക്കെട്ട് രൂപപ്പെട്ടിട്ടുണ്ട്.