ശ്രീനഗർ: കശ്മീരിലെ നർവാൽ മേഖലയിൽ ചേരിപ്രദേശത്ത് തീപടർന്ന് മൂന്നുപേർ മരിച്ചു. ആറു പേർക്ക് പരിക്കേറ്റു. അർദ്ധ രാത്രി 12 മണിയോടെയുണ്ടായ അപകടത്തിൽ 150ലേറെ ചേരിക്കുടിലുകൾ കത്തി നശിച്ചു.
രാത്രിയിൽ ആശുപത്രിയിലേക്ക് കൊണ്ടുവന്ന മൂന്ന് മൃതദേഹങ്ങൾ മോർച്ചറിയിലാണെന്നും ആറുപേർക്ക് ഗുരുതരമായി പരിക്കേറ്റെന്നുമാണ് ജമ്മു മെഡിക്കൽ കോളജ് സൂപ്രണ്ട് രമേശ് ഗുപ്ത അറിയിച്ചിരിക്കുന്നത്.
മ്യാൻമറിൽ നിന്നും കുടിയേറിയ റൊഹീങ്ക്യൻ അഭയാർഥികളാണ് അധികവും ഇൗ മേഖലയിൽ താമസിക്കുന്നത്. അതേസമയം തീപിടുത്തം ഉണ്ടാവാനിടയായ കാരണത്തെക്കുറിച്ച് അധികൃതർക്ക് ഇതുവരെ കണ്ടെത്താൻ കഴിഞ്ഞിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.