സഞ്ജയ് റാവത്തിന്​ ശാരീരിക അസ്വാസ്ഥ്യം; ആശുപത്രിയിൽ പ്രവേശിപ്പിച്ചു​

മുംബൈ: ശാരീരിക അസ്വസ്ഥതയെ തുടർന്ന് ശിവസേന നേതാവ് സഞ്ജയ് റാവത്തിനെ ഹോസ്പിറ്റലിൽ പ്രവേശിപ്പിച്ചു. നെഞ്ചുവേദന അനുഭവപ്പെട്ടതിനെ തുടർന്ന്​ അദ്ദേഹത്തെ മുംബൈ ലീലാവതി ആശുപത്രിയിൽ പ്രവേശിപ്പിക്കുകയായിരുന്നു.

കുറച്ചു ദി വസങ്ങളായി അദ്ദേഹത്തി​​െൻറ ആരോഗ്യനില മോശമായിരുന്നുവെന്നും ഡോക്​ടർമാർ വിശ്രമിക്കാൻ നിർദേശിച്ചിരുന്നുവെന്നും കുടുംബാംഗങ്ങൾ പറഞ്ഞു. പരിശോധനകൾക്ക്​ ശേഷം നാളെ ആശുപത്രി വിടാമെന്ന്​ ഡോക്​ടർമാർ അറിയിച്ചു.

മഹാരാഷ്ട്രയിൽ സർക്കാർ രൂപവത്കരണം പ്രതിസന്ധിയിൽ ആയതോടെ ശിവസേനയുടെ നിലപാടുകൾ വ്യക്തമാക്കി സഞ്​ജയ്​ റാവുത്ത്​ രംഗത്തെത്തിയിരുന്നു. സർക്കാറുണ്ടാക്കുന്നതിൽ നിന്ന്​ പിൻമാറിയ ബി.ജെ.പിക്കെതിരെ റാവുത്ത്​ രൂക്ഷ വിമർശം ഉന്നയിക്കുകയും ചെയ്​തിരുന്നു.