ന്യൂഡൽഹി: കോൺഗ്രസ് നേതാവ് ശശി തരൂരിനെതിരെ സൈബർ ആക്രമണവുമായി സംഘ്പരിവാർ. ഒാൺലൈൻ മാധ്യമമായ ‘ദി വയറിൽ’ ബദ്രി റൈന എഴുതിയ ലേഖനം പങ്കുവെച്ചപ്പോൾ ശശി തരൂർ എഴുതിയ ട്വീറ്റാണ് സംഘ്പരിവാർ കേന്ദ്രങ്ങളെ പ്രകോപിപ്പിച്ചത്.
ശശിതരൂർ ട്വീറ്റ് ചെയ്തതിങ്ങനെ: മാംസവും അസ്ഥികളും ഇന്ത്യൻ മണ്ണിൽ അലിഞ്ഞുചേർന്നവർക്ക് ഇൗ ഭൂമിക്ക് മേൽ, സ്വന്തം ചാരം പുഴയിലൊഴുക്കി കടലിലെത്തിയവരേക്കാൾ അവകാശമുണ്ടോ?
Badri Raina raises an intriguing question: don't those whose flesh and bones are interred in the soil of India, to become part of its earth, have a greater claim to the matrubhumi than those whose ashes are poured into rivers that flow into the sea? https://t.co/UMcKUOxAdH
— Shashi Tharoor (@ShashiTharoor) July 25, 2020
ഇതിനുപിന്നാലെ രൂക്ഷമായ പ്രതികരണങ്ങളുമായി സംഘ്പരിവാർ സൈബർ കേന്ദ്രങ്ങൾ എത്തി. ശശിതരൂർ മുസ്ലിംകൾക്ക് ഹിന്ദുക്കളേക്കാൾ അവകാശമുണ്ടെന്ന് സ്ഥാപിക്കുകയാണെന്നാണ് വിമർശകർ പ്രധാനമായും ഉയർത്തിയത്.
ഇതിന് മറുപടിയുമായി ശശി തരൂർ ട്വീറ്റ് ചെയ്തതിങ്ങനെ: ബദ്രി റൈനയുടെ ലേഖനത്തോട് ജിജ്ഞാസ പ്രകടിപ്പിക്കുക മാത്രമാണ് ഞാൻ ചെയ്തത്. അതിനോട് യോജിക്കുന്നുണ്ടെന്ന് പറഞ്ഞില്ല. ചിന്തകളെ ഉത്തേജിപ്പിക്കുന്ന സാമ്പ്രദായികമല്ലാത്ത ആശയങ്ങളെ ഞാൻ വിലമതിക്കുന്നു. ദൗര്ഭാഗ്യവശാല് സംഘികൾ പ്രകോപിതരായിരിക്കുകയാണ്. ചിന്തകളോട് അവർക്ക് അകൽച്ചയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.