ന്യൂഡൽഹി: റെയിൽവേ സ്റ്റേഷനുകളിൽ സ്ഥാപിച്ച പ്ലാസ്റ്റിക് ബോട്ടിൽ നശിപ്പിക്കുന്ന മെഷീനുകൾ ഉപയോഗിക്കുന്ന യാത്രക്കാരുടെ മൊബൈൽ ഫോ ൺ റെയിൽവേ റീചാർജ് ചെയ്യും. പ്ലാസ്റ്റിക് മാലിന്യം ഇല്ലാതാക്കാൻ പ്രധാ നമന്ത്രി നരേന്ദ്ര മോദി സ്വാതന്ത്ര്യദിന പ്രസംഗത്തിൽ ആഹ്വാനം ചെയ്തിരുന്നു. ഇതിെൻറ ചുവടുപിടിച്ചാണ് റെയിൽവേ പദ്ധതി.
സ്റ്റേഷനുകളിൽ പ്ലാസ്റ്റിക് ബോട്ടിൽ നശിപ്പിക്കുന്ന 400 മെഷീനുകൾ സ്ഥാപിക്കുമെന്ന് റെയിൽവേ ബോർഡ് ചെയർമാൻ വി.കെ യാദവ് പറഞ്ഞു. ഇത് ഉപയോഗിക്കുന്നവർ ഫോൺ നമ്പർ നൽകിയാൽ ഫോൺ റീ ചാർജാകുന്നതാണ് പദ്ധതി. എന്നാൽ, ഇതിെൻറ വിശദാംശങ്ങൾ റെയിൽവേ പുറത്തുവിട്ടിട്ടില്ല.
നിലവിൽ 128 റെയിൽവേ സ്റ്റേഷനുകളിൽ ഇത്തരം മെഷീനുകളുണ്ട്. റെയിൽവേ സ്റ്റേഷനുകളിലെ പ്ലാസ്റ്റിക് ബോട്ടിലുകൾ ശേഖരിച്ച് പുനരുപയോഗത്തിനയക്കാൻ ജീവനക്കാർക്ക് നിർദേശം നൽകിയിട്ടുണ്ടെന്നും ചെയർമാൻ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.