ന്യൂഡൽഹി: നാക്കുപിഴവിന്‍റെ പേരിൽ സമൂഹമാധ്യമങ്ങളിൽ വ്യാപക ട്രോളുകൾക്ക് വിധേയനാവുകയാണ് ഡൽഹിയിലെ കോൺഗ്രസ് നേതാവ് സുരേന്ദർ കുമാർ. കോൺഗ്രസ് ജനറൽ സെക്രട്ടറി പ്രിയങ്ക ഗാന്ധിക്ക് സിന്ദാബാദ് വിളിച്ചത് അബന്ധത്തിൽ ബോളിവുഡ് താരം പ്രിയങ്ക ചോപ്ര എന്നാവുകയായിരുന്നു. ഇതിന്‍റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.
ഒരു പൊതുചടങ്ങിലാണ് സുരേന്ദർ കുമാറിന് നാക്കുപിഴ പറ്റിയത്. മൈക്കിലൂടെ ദേശീയ നേതാക്കൾക്ക് സിന്ദാബാദ് വിളിക്കുകയായിരുന്നു അദ്ദേഹം. 'സോണിയ ഗാന്ധി സിന്ദാബാദ്, കോൺഗ്രസ് പാർട്ടി സിന്ദാബാദ്, രാഹുൽ ഗാന്ധി സിന്ദാബാദ്, പ്രിയങ്ക ചോപ്ര സിന്ദാബാദ്...' എന്നായിരുന്നു സുരേന്ദർ കുമാർ വിളിച്ചത്.
#WATCH Delhi: Slogan of "Sonia Gandhi zindabad! Congress party zindabad! Rahul Gandhi zindabad! Priyanka Chopra zindabad!" (instead of Priyanka Gandhi Vadra) mistakenly raised by Congress' Surender Kr at a public rally. Delhi Congress chief Subhash Chopra was also present.(01.12) pic.twitter.com/ddFDuZDTwH
— ANI (@ANI) December 1, 2019
തൊട്ടരികിലുണ്ടായിരുന്ന കോൺഗ്രസ് ഡൽഹി അധ്യക്ഷൻ സുഭാഷ് ചോപ്ര സുരേന്ദറിനെ ഉടൻ തിരുത്തുന്നതും കാണാം.
'പ്രിയങ്ക ചോപ്ര എപ്പോഴാണ് കോൺഗ്രസിൽ ചേർന്നത്' തുടങ്ങിയ ചോദ്യങ്ങളോടെയാണ് സമൂഹമാധ്യമങ്ങളിൽ ആളുകൾ വിഡിയോ പങ്കുവെക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.