ന്യൂഡൽഹി: പശ്ചിമബംഗാൾ തെരഞ്ഞെടുപ്പിൽ ബി.ജെ.പി രണ്ടക്കം കടക്കാൻ പാടുപെടുമെുനന് മമത ബാനർജിയുടെ തെരഞ്ഞെടുപ്പ് കാമ്പയിൻ നയിക്കുന്ന പ്രശാന്ത് കിഷോർ. പശ്ചിമ ബംഗാളിൽ ബി.ജെ.പി മികച്ച മുന്നേറ്റം ലക്ഷ്യമിട്ട് പ്രചാരണം കൊഴുപ്പിക്കവേയാണ് വലിയ ആത്മവിശ്വാസവുമായി പ്രശാന്ത് കിഷോറിന്റെ രംഗപ്രവേശം.
'മാധ്യമങ്ങളുടെ സഹായത്തോടെ ബി.ജെ.പി ഹൈപ്പ് ഉണ്ടാക്കുകയാണ്. യഥാർഥത്തിൽ ബി.ജെ.പി രണ്ടക്കം കടക്കാൻ പാടുപെടും. ഈ ട്വീറ്റ് സേവ് ചെയ്യൂ, ബി.ജെ.പി മികച്ച പ്രകടനം നടത്തിയാൽ ഞാൻ ഇവിടം വിടും'' -പ്രശാന്ത് കിഷോർ ട്വീറ്റ് ചെയ്തു.
ലോക്സഭ തെരഞ്ഞെടുപ്പിൽ വലിയ മുന്നേറ്റമുണ്ടാക്കിയ ബി.ജെ.പി അമിത് ഷായുടെ നേതൃത്വത്തിൽ ബംഗാളിൽ വലിയ പ്രചാരണം നടത്തുകയാണ്. അമിത് ഷാ ബംഗാളിലെത്തിയതിന് പിന്നാലെ തൃണമൂൽ, കോൺഗ്രസ്, സി.പി.എം എം.പിമാർ ബി.ജെ.പിയിൽ ചേർന്നിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.