ആഗ്ര: പലായനം ചെയ്യുന്ന അന്തർ സംസ്ഥാന തൊഴിലാളികളെ നാട്ടിലെത്തിക്കുന്നതിനായി കോൺഗ്രസ് നേതാവ് പ്രിയങ്ക ഗാന്ധി ഏർപ്പെടുത്തിയ ബസിന് അനുമതി നൽകാത്തതിൽ പ്രതിഷേധിച്ച യു.പി പി.സി.സി അധ്യക്ഷൻ അറസ്റ്റിൽ. അജയ് കുമാർ ലല്ലുവിനെ അറസ്റ്റ് ചെയ്തതെന്ന് ആഗ്ര എസ്.പിയാണ് അറിയിച്ചത്.
അജയ് കുമാർ ലല്ലുവിനെ കൂടാതെ വിവേക് ബൻസാലിനെയും അറസ്റ്റ് ചെയ്തിട്ടുണ്ട്. ഫത്തേഹ്പുർ സിക്രി പൊലീസ് രജിസ്റ്റർ ചെയ്ത കേസിലാണ് നടപടി. ആഗ്ര-രാജസ്ഥാൻ അതിർത്തിയായ ഉഞ്ച നഗ്ലയിൽ കുത്തിയിരുന്ന് പ്രതിഷേധിച്ച ലല്ലുവിനെ പൊലീസ് ബലം പ്രയോഗിച്ച് നീക്കിയിരുന്നു.
നേരത്തെ, പ്രിയങ്ക ഗാന്ധിയുടെ പേഴ്സണൽ സെക്രട്ടറി സന്ദീപ് സിങ്, യു.പി കോൺഗ്രസ് അധ്യക്ഷൻ അജയ് കുമാർ ലല്ലു എന്നിവർക്കെതിരെ ലഖ്നോ ഹസ്രത് ഗഞ്ച് പൊലീസ് കേസെടുത്തിട്ടുണ്ട്.
ഞയാറാഴ്ച ഉത്തർപ്രദേശ് അതിർത്തിയിൽ തയാറാക്കി നിർത്തിയ 1,000 ബസുകൾക്ക് പ്രതിഷേധങ്ങൾക്കൊടുവിൽ തിങ്കളാഴ്ചയാണ് യോഗി സർക്കാർ അനുമതി നൽകിയത്. എന്നാൽ, അതിർത്തിയിൽ നിർത്തിയ ബസുകളുടെ ഫിറ്റ്നസ് പരിശോധനക്ക് നൂറകണക്കിന് കിലോമീറ്റർ അകലെ ലഖ്നോവിൽ എത്താൻ തൊട്ടുപിറകെ ഡ്രൈവർമാർക്ക് നിർദേശം നൽകി.
ഇതിനെതിരെ പ്രിയങ്കഗാന്ധി രംഗത്തുവന്നതോടെ യോഗി പിന്മാറി. പിന്നീട് ചൊവ്വാഴ്ച വൈകീട്ട് 500 ബസുകള്‍ നോയിഡയിലേക്കും 500 ബസുകള്‍ ഗാസിയാബാദിലേക്കും അയക്കാനുള്ള അനുമതി നല്‍കുന്നെന്ന് കാണിച്ച് സര്‍ക്കാര്‍ കോണ്‍ഗ്രസിന് കത്ത് നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.