അയോധ്യയുടെ വികസനം ചർച്ച ചെയ്യാൻ മോദിയും യോഗിയും പ്രത്യേക യോഗം ചേർന്നു

ന്യൂഡൽഹി: രാമേക്ഷേത്രം നിർമിക്കുന്ന അയോധ്യയിലെ വികസനം ചർച്ചചെയ്യാൻ പ്രധാനമന്ത്രി നരേ​ന്ദ്രമോദിയും ഉത്തർപ്രദേശ്​ മുഖ്യമന്ത്രി യോഗി ആദിത്യനാഥും പ്രത്യേക യോഗം ചേരുന്നു. വിഡിയോ കോൺഫറൻസിലൂടെയാണ്​ ഇരുവരും യോഗം ചേരുന്നത്​.

അയോധ്യയുടെ ആധുനികവൽക്കരണം, റോഡുകൾ, അടിസ്ഥാനസൗകര്യം, റെയിൽവേ സ്​റ്റേഷൻ, വിമാനത്താവളം അടക്കമുള്ള വിഷയങ്ങൾ യോഗത്തിൽ ചർച്ചയാകും. അയോധ്യയിൽ വിമാനത്താവളം നിർമിക്കാനുള്ള ആവശ്യം കേന്ദ്രം അംഗീകരിച്ചിരുന്നുവെന്ന്​ യോഗി നേരത്തേ പറഞ്ഞിരുന്നു

വിമാനത്താവളത്തിന്​ തുക വിലയിരുത്തുന്നതിനായി പണം അനുവദിച്ചെന്നും യോഗി പറഞ്ഞിരുന്നു. രാമക്ഷേത്രത്തിനുള്ള ഭൂമി ഏറ്റെടുക്കലുമായി ബന്ധപ്പെട്ട്​ അഴിമതി ആരോപണങ്ങൾ ഉയർന്ന പശ്ചാത്തലത്തിൽ വരാനിരിക്കുന്ന നിയമസഭ തെരഞ്ഞെടുപ്പിന്​ മുന്നോടിയായി വോട്ട്​ ബാങ്കിൽ ഉന്നം വെച്ചാണ്​ യോഗമെന്നാണ്​ വിലയിരുത്തൽ.