ന്യൂഡൽഹി: വ്യോമസേന വിങ് കമാൻഡർ അഭിനന്ദൻ വർധമാനെ പരിഹസിച്ച് പാക് ചാനലിൽ പരസ്യം. ലോകകപ്പ് ക്രിക്കറ്റ് സ ംപ്രേഷണം ചെയ്യുന്ന ജാസ് ടി.വിയുടേതാണ് ഇന്ത്യ-പാകിസ്താൻ കളിയെ കുറിച്ചുള്ള പരസ്യം. ഇന്ത്യൻ വ്യോമാതിർത്തി മ റി കടന്ന പാക് വിമാനത്തെ തുരത്തുന്നതിനിടെ പാകിസ്താൻെറ പിടിയിലകപ്പെട്ട അഭിനന്ദൻ പാക് സൈന്യത്തോട് ധീരമായ ി നടത്തിയ പ്രതികരണങ്ങളെ വികലമായി ചിത്രീകരിച്ചുകൊണ്ടാണ് പരസ്യം.
അഭിനന്ദൻെറ പ്രത്യേക രീതിയിലുള്ള മീശ യുൾപ്പെടെ രൂപത്തെ അനുകരിച്ച നടനാണ് പരസ്യത്തിലുള്ളത്. പിടിയിലായ സമയത്ത് അഭിനന്ദൻ പാക് സൈനികർക്ക് നൽകിയ മ റുപടിയും അവർക്കൊപ്പം ചായ കുടിക്കുന്ന ദൃശ്യങ്ങളും പാകിസ്താൻ പുറത്തു വിട്ടിരുന്നു. ഈ ദൃശ്യങ്ങൾ സമൂഹ മാധ്യമങ്ങളിൽ വലിയ തോതിൽ പ്രചാരം ലഭിക്കുകയും ചെയ്തിരുന്നു. രാജ്യത്തിൻെറ രഹസ്യ വിവരങ്ങളെ കുറിച്ച് ചോദിക്കുമ്പോൾ ‘ക്ഷമിക്കണം, അതേക്കുറിച്ച് നിങ്ങളോട് വെളിപ്പെടുത്താനാകില്ല’ എന്ന് അദ്ദേഹം നൽകിയ ധീരമായ മറുപടിയെ പരിഹാസ പൂർവമാണ് പരസ്യത്തിൽ ഉൾപ്പെടുത്തിയിരിക്കുന്നത്.
ഇന്ത്യയുടെ പ്ലേയിങ് ഇലവനെ കുറിച്ച് ദൃശ്യത്തിന് പുറത്തുള്ളവർ ചോദിക്കുന്ന ചോദ്യത്തിന് പരസ്യത്തിലെ കഥാപാത്രം പേടിയോടെ മറുപടി നൽകുന്നതായാണ് കാണിക്കുന്നത്. എല്ലാ ചോദ്യങ്ങൾക്കും ‘ക്ഷമിക്കണം, അതേക്കുറിച്ച് നിങ്ങളോട് വെളിപ്പെടുത്താനാകില്ല’ എന്ന മറുപടി നൽകുന്നതായാണ് പരസ്യത്തിലുമുള്ളത്. പിന്നീട് ചായ എങ്ങനെയുണ്ടെന്ന ചോദിക്കുമ്പോൾ കൊള്ളാം എന്ന് ഉത്തരം നൽകി രക്ഷപ്പെട്ട ആശ്വാസത്തിൽ പോകുന്ന ഇയാളെ പിടിച്ചു നിർത്തി കൈയിലുള്ള ചായക്കപ്പ് തിരികെ വാങ്ങിക്കുന്നു. ശേഷം ‘കപ്പ് നമുക്ക് നേടാം’ എന്നർഥം വരുന്ന ‘ലെറ്റ്സ് ബ്രിങ് ദി കപ്പ് ഹോം’ എന്ന ഹാഷ് ടാഗ് സ്ക്രീനിൽ തെളിഞ്ഞു വരുന്നത് വരെയാണ് പരസ്യം.
Jazz TV advt on #CWC19 takes the Indo-Pak air duel to new level. It uses the air duel over Nowshera and Wing Co Abhinandan Varthaman's issue as a prop. @IAF_MCC @thetribunechd @SpokespersonMoD @DefenceMinIndia pic.twitter.com/30v4H6MOpU
— Ajay Banerjee (@ajaynewsman) June 11, 2019
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.