ഭീഷണിപ്പെടുത്തി പണംതട്ടൽ; മ്യാന്മർ സ്വദേശി ഉൾ​പ്പെടെ മൂന്നുപേർക്ക് കുറ്റപത്രം

ഇം​ഫാ​ൽ: മ​ണി​പ്പൂ​രി​ൽ നി​രോ​ധി​ത തീ​വ്ര​വാ​ദ സം​ഘ​ട​ന​ക​ളി​ലെ അം​ഗ​ങ്ങ​ൾ നാ​ട്ടു​കാ​രെ ഭീ​ഷ​ണി​പ്പെ​ടു​ത്തി പ​ണം ത​ട്ടി​യെ​ടു​ത്ത​തു​മാ​യി ബ​ന്ധ​പ്പെ​ട്ട കേ​സി​ൽ മ്യാ​ന്മ​ർ പൗ​ര​ൻ ഉ​ൾ​പ്പെ​ടെ മൂ​ന്നു പേ​ർ​ക്കെ​തി​രെ ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ.​ഐ.​എ) കു​റ്റ​പ​ത്രം സ​മ​ർ​പ്പി​ച്ചു. മ്യാ​ന്മ​റി​ൽ​നി​ന്നു​ള്ള ഖി​ൻ​മൗ​ങ് എ​ന്ന ദീ​പ​ക് ശ​ർ​മ (38), മ​ണി​പ്പൂ​ർ സ്വ​ദേ​ശി​ക​ളാ​യ സൂ​ര​ജ് ജ​സി​വാ​ൾ (33), ഷൈ​ഖോം ബ്രൂ​സ് മീ​തേ​യ് (38) എ​ന്നി​വ​ർ​ക്കെ​തി​രെ​യാ​ണ് പ്ര​ത്യേ​ക കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്. മൂ​ന്നു പേ​ർ​ക്കെ​തി​രെ​യും നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ത​ട​യ​ൽ നി​യ​മം (യു.​എ.​പി.​എ), ഇ​ന്ത്യ​ൻ ശി​ക്ഷാ​നി​യ​മം എ​ന്നി​വ പ്ര​കാ​ര​മാ​ണ് കു​റ്റം ചു​മ​ത്തി​യി​രി​ക്കു​ന്ന​ത്. ദീ​പ​ക് ശ​ർ​മ​ക്കെ​തി​രെ വി​ദേ​ശ നി​യ​മ​പ്ര​കാ​ര​വും കു​റ്റം ചു​മ​ത്തി​യി​ട്ടു​ണ്ടെ​ന്ന് എ​ൻ.​ഐ.​എ വ​ക്താ​വ് പ​റ​ഞ്ഞു.

നി​രോ​ധി​ത സം​ഘ​ട​ന​ക​ളാ​യ പീ​പ്ൾ​സ് റെ​വ​ലൂ​ഷ​ന​റി ആ​ർ​മി, കം​ഗ്ലീ​പാ​ക് ക​മ്യൂ​ണി​സ്റ്റ് പാ​ർ​ട്ടി, പീ​പ്ൾ​സ് റെ​വ​ലൂ​ഷ​ന​റി പാ​ർ​ട്ടി ഓ​ഫ് കാം​ഗ്ലീ​പാ​ക്, യു​നൈ​റ്റ​ഡ് നാ​ഷ​ന​ൽ ലി​ബ​റേ​ഷ​ൻ ഫ്ര​ണ്ട് തു​ട​ങ്ങി​യ​വ​യു​ടെ പ്ര​വ​ർ​ത്ത​ക​ർ ഇം​ഫാ​ലി​ലും താ​ഴ്‌​വ​ര പ്ര​ദേ​ശ​ങ്ങ​ളി​ലു​മു​ള്ള ആ​ളു​ക​ളി​ൽ​നി​ന്ന് ഭീ​ഷ​ണി​പ്പെ​ടു​ത്തി പ​ണം വാ​ങ്ങി​യി​രു​ന്ന​താ​യി അ​ന്വേ​ഷ​ണ​ത്തി​ൽ വ്യ​ക്ത​മാ​യി.

സം​ഘ​ട​ന​ക​ൾ​ക്കാ​യി ഫ​ണ്ട് ശേ​ഖ​രി​ക്കു​ക​യാ​യി​രു​ന്നു ഉ​ദ്ദേ​ശ്യം. കൂ​ട്ടാ​ളി​ക​ളു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ൾ ന​ൽ​കി അ​തി​ലേ​ക്ക് പ​ണം നി​ക്ഷേ​പി​ക്കാ​ൻ നാ​ട്ടു​കാ​രോ​ട് ആ​വ​ശ്യ​പ്പെ​ടു​ക​യാ​യി​രു​ന്നു. സം​ഭ​വ​ത്തി​ൽ ക​ഴി​ഞ്ഞ വ​ർ​ഷം മാ​ർ​ച്ച് ഒ​മ്പ​തി​നാ​ണ് എ​ൻ.​ഐ.​എ സ്വ​മേ​ധ​യാ കേ​സെ​ടു​ത്ത​ത്.