മുംബൈ: മഹാരാഷ്ട്രയിലെ മന്ത്രിസഭ പുനഃസംഘടനക്ക് പിന്നാലെ എൻ.സി.പിയിൽ നിന്നും കൊഴിഞ്ഞ്പോക്ക്. ബീഡ് ജില്ലയിെല എൻ.സി.പി എം.എൽ.എ പ്രകാശ് സോളങ്കി രാജിവെച്ചു. മജൽഗാവ് സീറ്റിൽ നിന്നും ജയിച്ച പ്രകാശ് രാഷ്ട്രീയത്തിൽ താൻ ഇനി അയോഗ്യനാണെന്ന് പറഞ്ഞുകൊണ്ടാണ് രാജി പ്രഖ്യാപിച്ചത്.
എം.എൽ.എ സ്ഥാനം രാജിവെക്കുകയാണെന്നും ഇനി രാഷ്ട്രീയത്തിൽ തുടരില്ലെന്നും സോളങ്കി വാർത്താ ഏജൻസിയോട് പ്രതികരിച്ചു. രാജി കാര്യം എൻ.സി.പി നേതൃത്വത്തെ അറിയിച്ചിട്ടുണ്ട്. ചൊവ്വാഴ്ച വൈകിട്ട് മുംബൈയിലെത്തി സ്പീക്കറെ കണ്ട് രാജിക്കത്ത് നൽകുമെന്നും അദ്ദേഹം പറഞ്ഞു.
തെൻറ പാർട്ടിയുമായോ ഏതെങ്കിലും നേതാവുമായോ പ്രശ്നമില്ല. മന്ത്രിസ്ഥാനം ലഭിക്കാത്തതിനെ തുടർന്നാണ് രാജിയെന്ന വാർത്ത തെറ്റാണെന്നും പ്രകാശ് സോളങ്കി വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.