മുംബൈ: മുംബൈ-പൂണെ എക്സ്പ്രസ്വേയിൽ വാഹനങ്ങൾ കൂട്ടിയിടിച്ചുണ്ടായ അപകടത്തിൽ നാല് പേർക്ക് പരിക്ക്. ബ്രേക്കിന് തകരാറുണ്ടായതിന് തുടർന്ന് ട്രക്ക് കാറിലിടിക്കുകയായിരുന്നു. തുടർന്ന് മറ്റ് വാഹനങ്ങൾ ട്രക്കിന് പിന്നിലിടിച്ചാണ് അപകടമുണ്ടായത്.
മഹാരാഷ്ട്രയിലെ ഖോപോളിയിലാണ് അപകടം. എട്ടോളം കാറുകളാണ് കൂടിയിടിച്ചത്. അപകടത്തിൽ തകർന്ന കാറുകളുടെ വിഡിയോ പുറത്ത് വന്നിട്ടുണ്ട്. അപകടത്തിൽ ആർക്കും ജീവൻ നഷ്ടമായിട്ടില്ലെന്ന് അധികൃതർ അറിയിച്ചു. ആർക്കും ഗുരുതര പരിക്കില്ലെന്നാണ് വിവരം.
നേരത്തെ ട്രക്കിന് പിന്നിലേക്ക് കാർ ഇടിച്ചുകയറി നാല് പേർ മരിച്ചിരുന്നു. അതിവേഗത്തിലെത്തിയ കാർ ഡിവൈഡറിലിടിച്ച് ട്രക്കിന് പിന്നിലേക്ക് ഇടിച്ചു കയറുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.