ത​ട​യ​ണ പ​ദ്ധ​തിയിൽ മെ​ഹ​ബൂ​ബ -​ഉ​മ​ർ അ​ബ്ദു​ല്ല വാ​ക്പോ​ര്; ജലം ആയുധമാക്കരുതെന്ന് മെഹബൂബ; അതിർത്തിക്കപ്പുറത്തുള്ളവരെ പ്രീണിപ്പിക്കരുതെന്ന് ഉമർ അബ്ദുല്ല

ശ്രീ​ന​ഗ​ർ: വ​ട​ക്ക​ൻ ക​​ശ്മീ​രി​ലെ തു​ൽ​ബു​ൽ ത​ട​യ​ണ പ​ദ്ധ​തി പു​ന​രു​ജ്ജീ​വി​പ്പി​ക്കു​ന്ന​തി​നെ ചൊ​ല്ലി മു​ഖ്യ​മ​ന്ത്രി ഉ​മ​ർ അ​ബ്ദു​ല്ല​യും മു​ൻ മു​ഖ്യ​മ​ന്ത്രി മെ​ഹ​ബൂ​ബ മു​ഫ്തി​യും ത​മ്മി​ൽ വാ​ക്പോ​ര്. സി​ന്ധു ന​ദീ​ജ​ല ക​രാ​ർ നി​ർ​ത്തി​വെ​ച്ച സാ​ഹ​ച​ര്യ​ത്തി​ൽ 1980ൽ ​പാ​കി​സ്താ​ന്റെ എ​തി​ർ​പ്പി​നെ​ത്തു​ട​ർ​ന്ന് ഉ​പേ​ക്ഷി​ച്ച വു​ല്ലാ​ർ ത​ടാ​ക​ത്തി​ലെ തു​ൽ​ബു​ൽ ത​ട​യ​ണ പ​ദ്ധ​തി പു​ന​രു​ജ്ജീ​വി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ട് വി​ഡി​യോ മു​ഖ്യ​മ​ന്ത്രി ഉ​മ​ർ അ​ബ്ദു​ല്ല പോ​സ്റ്റ് ചെ​യ്ത​തോ​ടെ​യാ​ണ് വി​വാ​ദം പൊ​ട്ടി​പ്പു​റ​പ്പെ​ട്ട​ത്. ഝ​ലം ന​ദി​യി​ലെ ജ​ല​ഗ​താ​ഗ​ത​ത്തി​നും ശൈ​ത്യ​കാ​ല​ത്ത് വൈ​ദ്യു​തി ഉ​ൽ​പാ​ദ​ന​ത്തി​നും പ​ദ്ധ​തി സ​ഹാ​യ​ക​മാ​കു​മെ​ന്ന് അ​ദ്ദേ​ഹം പ​റ​ഞ്ഞു.

ഇ​തി​നെ​തി​രെ​യാ​ണ് മെ​ഹ​ബൂ​ബ രം​ഗ​ത്തെ​ത്തി​യ​ത്. ഉ​മ​ർ അ​ബ്ദു​ല്ല​യു​ടേ​ത് നി​രു​ത്ത​ര​വാ​ദ​പ​ര​വും പ്ര​കോ​പ​ന​പ​ര​വു​മാ​യ നി​ല​പാ​ടാ​ണെ​ന്ന് മെ​ഹ​ബൂ​ബ പ​റ​ഞ്ഞു. ഇ​ന്ത്യ - പാ​ക് സം​ഘ​ർ​ഷ​ത്തി​ൽ ഏ​റെ ദു​രി​ത​മ​നു​ഭ​വി​ക്കേ​ണ്ടി​വ​ന്ന​ത് ക​ശ്മീ​രി​ക​ളാ​ണ്. ധാ​രാ​ളം നി​ര​പ​രാ​ധി​ക​ൾ സം​ഘ​ർ​ഷ​ത്തി​ൽ കൊ​ല്ല​പ്പെ​ട്ടു. സ്വ​ത്തു​വ​ക​ക​ൾ​ക്കും ക​ന​ത്ത നാ​ശം സം​ഭ​വി​ച്ചു.

ഇ​തി​നി​ടെ ഇ​ത്ത​രം പ്ര​സ്താ​വ​ന​ക​ൾ നി​രു​ത്ത​ര​വാ​ദ​പ​ര​വും പ്ര​കോ​പ​ന​പ​ര​വു​മാ​ണ്. രാ​ജ്യ​ത്തെ മ​റ്റാ​രെ​യും പോ​ലെ ന​മ്മു​ടെ ജ​ന​ങ്ങ​ളും സ​മാ​ധാ​നം അ​ർ​ഹി​ക്കു​ന്നു. ജ​ലം പോ​ലെ അ​ത്യ​ന്താ​പേ​ക്ഷി​ത​മാ​യ വ​സ്തു​വി​നെ ആ​യു​ധ​മാ​ക്കു​ന്ന​ത് മ​നു​ഷ്യ​ത്വ​ര​ഹി​തം മാ​ത്ര​മ​ല്ല ഉ​ഭ​യ​ക​ക്ഷി വി​ഷ​യ​മാ​യ ഒ​ന്നി​നെ അ​ന്താ​രാ​ഷ്ട്ര​വ​ത്ക​രി​ക്കു​ക​യും ചെ​യ്യു​മെ​ന്ന് അ​വ​ർ പ​റ​ഞ്ഞു. അ​തേ​സ​മ​യം, രാ​ഷ്ട്രീ​യ നേ​ട്ട​ത്തി​നാ​യി അ​തി​ർ​ത്തി​ക്ക​പ്പു​റ​ത്തു​ള്ള​വ​രെ പ്രീ​ണി​പ്പി​ക്കാ​നാ​ണ് മെ​ഹ​ബൂ​ബ ശ്ര​മി​ക്കു​ന്ന​തെ​ന്ന് ഉ​മ​ർ തി​രി​ച്ച​ടി​ച്ചു.

ജ​മ്മു-​ക​ശ്മീ​ർ ജ​ന​ത​യു​ടെ താ​ൽ​പ​ര്യ​ങ്ങ​ൾ​ക്കെ​തി​രാ​യ ഏ​റ്റ​വും വ​ലി​യ വ​ഞ്ച​ന​യാ​ണ് സി​ന്ധു ന​ദീ​ജ​ല ക​രാ​റെ​ന്ന് അം​ഗീ​ക​രി​ക്കാ​ൻ മെ​ഹ​ബൂ​ബ വി​സ​മ്മ​തി​ക്കു​ക​യാ​ണ്. ക​രാ​റി​നെ എ​ന്നും എ​തി​ർ​ത്തി​രു​ന്നു​വെ​ന്നും അ​ത് തു​ട​രു​മെ​ന്നും അ​ദ്ദേ​ഹം പ​റ​ഞ്ഞു. ആ​ര് ആ​രെ പ്രീ​ണി​പ്പി​ക്കാ​ൻ ശ്ര​മി​ക്കു​ന്നു എ​ന്ന് കാ​ലം തെ​ളി​യി​ക്കു​മെ​ന്ന് മെ​ഹ​ബൂ​ബ പ​റ​ഞ്ഞു. അ​ധി​കാ​രം ന​ഷ്ട​പ്പെ​ട്ട​പ്പോ​ൾ താ​ങ്ക​ളു​ടെ മു​ത്ത​ച്ഛ​ൻ പാ​കി​സ്താ​നി​ൽ ചേ​ര​ണ​മെ​ന്ന് വാ​ദി​ച്ചി​രു​ന്നു​വെ​ന്ന​ത് മ​റ​ന്നു​പോ​ക​രു​തെ​ന്നും അ​വ​ർ പ​റ​ഞ്ഞു.