വ്യാജ ഏറ്റുമുട്ടൽ: ക്യാപ്റ്റന് ജീവപര്യന്തം തടവിന് സൈനിക കോടതി ശിപാർശ

ന്യൂ​ഡ​ൽ​ഹി: തെ​ക്ക​ൻ ക​ശ്മീ​രി​ലെ അം​ഷി​പു​ര​യി​ൽ വ്യാ​ജ ഏ​റ്റു​മു​ട്ട​ലി​ൽ മൂ​ന്നു പേ​രെ കൊ​ല​പ്പെ​ടു​ത്തി​യ കേ​സി​ൽ സൈ​നി​ക ക്യാ​പ്റ്റ​നെ ജീ​വ​പ​ര്യ​ന്തം ത​ട​വി​ന് ശി​ക്ഷി​ക്കാ​ൻ സൈ​നി​ക കോ​ട​തി ശി​പാ​ർ​ശ. 2020 ജൂ​ലൈ​യി​ൽ ന​ട​ന്ന സം​ഭ​വ​ത്തി​ൽ ഒ​രു വ​ർ​ഷ​ത്തി​ന​കം ജ​ന​റ​ൽ കോ​ർ​ട്ട് മാ​ർ​ഷ​ൽ ന​ട​പ​ടി​ക​ൾ പൂ​ർ​ത്തി​യാ​ക്കി​യാ​ണ് സൈ​നി​ക കോ​ട​തി ശി​ക്ഷ നി​ർ​ദേ​ശി​ച്ചി​രി​ക്കു​ന്ന​ത്.

സൈ​നി​ക​ർ സാ​യു​ധ സേ​ന (പ്ര​ത്യേ​ക അ​ധി​കാ​രം) നി​യ​മ​ത്തി​നു കീ​ഴി​ൽ നി​ക്ഷി​പ്ത​മാ​യ അ​ധി​കാ​ര​ങ്ങ​ളു​ടെ പ​രി​ധി ക​ട​ന്ന​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​തി​നെ​ത്തു​ട​ർ​ന്നാ​ണ് ക്യാ​പ്റ്റ​ൻ ഭൂ​പേ​ന്ദ്ര സി​ങ്ങി​നെ കോ​ട​തി മാ​ർ​ഷ​ലി​ന് വി​ധേ​യ​നാ​ക്കി​യ​ത്.

ഉ​ന്ന​ത സൈ​നി​ക അ​ധി​കാ​രി​ക​ളു​ടെ അം​ഗീ​കാ​ര​ത്തോ​ടെ​യാ​ണ് ജീ​വ​പ​ര്യ​ന്തം ശി​ക്ഷ നി​ർ​ദേ​ശി​ച്ച​തെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു. 2020 ജൂ​ലൈ 18നാ​ണ് ഭീ​ക​ര​വാ​ദി​ക​ൾ എ​ന്ന് ആ​രോ​പി​ച്ച് ര​ജൗ​രി സ്വ​ദേ​ശി​ക​ളാ​യ ഇം​തി​യാ​സ് അ​ഹ​മ്മ​ദ്, അ​ബ്റാ​ർ അ​ഹ​മ്മ​ദ്, മു​ഹ​മ്മ​ദ് ഇ​ബ്റാ​ർ എ​ന്നി​വ​രെ സൈ​ന്യം ഷോ​പി​യാ​നി​ൽ വ്യാ​ജ ഏ​റ്റു​മു​ട്ട​ലി​ൽ കൊ​ല​പ്പെ​ടു​ത്തി​യ​ത്. സം​ഭ​വ​ത്തി​ൽ വ്യാ​പ​ക പ്ര​തി​ഷേ​ധം ഉ​യ​ർ​ന്ന​തോ​ടെ​യാ​ണ് സൈ​നി​ക​ത​ല അ​ന്വേ​ഷ​ണം ആ​രം​ഭി​ച്ച​ത്. തെ​ളി​വു രേ​ഖ​പ്പെ​ടു​ത്ത​ൽ പൂ​ർ​ത്തി​യാ​യ​താ​യി സൈ​ന്യം അ​റി​യി​ച്ചു.

കോ​ർ​ട്ട് മാ​ർ​ഷ​ൽ ന​ട​ക്കു​ന്ന​തി​നി​ടെ അ​ബ്റാ​ർ അ​ഹ​മ്മ​ദി​ന്റെ പി​താ​വ് മു​ഹ​മ്മ​ദ് യൂ​സ​ഫി​നെ​യും സൈ​ന്യം വി​ളി​ച്ചു​വ​രു​ത്തി മ​ക​നെ കാ​ണാ​താ​യ​ത് സം​ബ​ന്ധി​ച്ച് റി​പ്പോ​ർ​ട്ട് ന​ൽ​കാ​ൻ ആ​വ​ശ്യ​പ്പെ​ട്ടി​രു​ന്നു. ജ​മ്മു-​ക​ശ്മീ​ർ പൊ​ലീ​സ് പ്ര​ത്യേ​ക അ​ന്വേ​ഷ​ണ സം​ഘ​ത്തെ​യും നി​യോ​ഗി​ച്ചി​രു​ന്നു. സം​ഭ​വ​ത്തി​ൽ സ​ർ​ക്കാ​ർ ന​ഷ്ട​പ​രി​ഹാ​രം ന​ൽ​കു​ക​യും കു​ടും​ബ​ത്തി​ലെ ഒ​രം​ഗ​ത്തി​ന് ജോ​ലി വാ​ഗ്ദാ​നം ചെ​യ്യു​ക​യും ചെ​യ്തി​രു​ന്നു. എ​ന്നാ​ൽ, അ​ത് ഇ​തു വ​രെ ന​ട​പ്പാ​യി​ട്ടി​ല്ല.