ഇറ്റാനഗർ: അരുണാചൽപ്രദേശിയെ തവാങ്ങിൽ മണ്ണിടിച്ചിലിൽ കുടുങ്ങിയ സൈനികന്‍റെ മൃതദേഹം കണ്ടെത്തി. മഹാരാഷ്ട്രയിലെ രത്‌നഗിരി സ്വദേശിയായ സുബേദാർ എ.എസ്. ധഗാലെയുടെ മൃതദേഹമാണ് കണ്ടെത്തിയത്.
തവാങ്ങിലാണ് അപകടം നടന്നത്. മണ്ണിടിച്ചിൽ നടന്ന് അഞ്ച് ദിവസങ്ങൾക്ക് ശേഷമാണ് മൃതദേഹം കണ്ടെത്തിയത്. സ്ഥലത്തുണ്ടായിരുന്ന മറ്റ് സൈനികർ രക്ഷപെട്ടുവെങ്കിലും സുബേദാർ ധഗാലെ മണ്ണിനടിയിൽ കുടുങ്ങുകയായിരുന്നു.
വിദഗ്‌ധ ഉപകരണങ്ങളുമായി ഒന്നിലധികം സംഘങ്ങൾ നാല് ദിവസമായി നടത്തിയ വൻ തിരച്ചിലിന് ശേഷമാണ് അദ്ദേഹത്തിന്‍റെ മൃതദേഹം കണ്ടെത്തിയത്. ധഗാലെയ്ക്ക് ഭാര്യയും രണ്ടുമക്കളുമുണ്ട്. മൃതദേഹം തവാങ് ജില്ല ആശുപത്രിയിലേക്ക് മാറ്റി. തവാങ്ങിൽ പുഷ്പചക്രം അർപ്പിക്കുന്ന ചടങ്ങിനുശേഷം മൃതദേഹം ഇന്ന് നാട്ടിലേക്ക് അയക്കുമെന്ന് പ്രതിരോധ വക്താവ് റാവത്ത് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.