തന്നെ പിന്തുണച്ച ഇൻഡിഗോ പൈലറ്റിന്​ അഭിവാദ്യമർപ്പിച്ച്​ കുനാൽ കംറ

ന്യൂഡൽഹി: തന്നെ പിന്തുണച്ച ഇൻഡിഗോ പൈലറ്റിന്​ അഭിവാദ്യവുമായി സ്​റ്റാൻഡ്​ അപ്പ്​ കോമഡിയൻ കുനാൽ കംറ. പൈലറ്റി ന്​ ‘സലാം’ പറഞ്ഞുകൊണ്ട്​ കംറ ട്വീറ്റ്​​ ചെയ്​തു.

മാധ്യമപ്രവർത്തകൻ അർണബ്​ ഗോസ്വാമിയെ ഇൻഡിഗോ വിമാനത്തിൽ വച്ച്​ പരിഹസിച്ച സംഭവത്തിൽ കുനാൽ കംറക്ക്​ ഇൻഡിഗോ യാത്രാ വിലക്കേർപ്പെടുത്തിയതിനെ പൈലറ്റ്​ ക്യാപ്​റ്റൻ രോഹ ിത്​ മറ്റേറ്റി തള്ളിപറഞ്ഞിരുന്നു. ഇതിൽ​ സന്തോഷം പങ്ക​ുവെച്ചുകൊണ്ടാണ്​ കംറയുടെ ട്വീറ്റ്​. ‘ക്യാപ്​റ്റൻ രോഹിത്​ മറ്റേറ്റിക്ക്​ സലാം​’ എന്നായിരുന്നു കംറയുടെ ട്വീറ്റ്​.

കംറയുടെ പെരുമാറ്റം നീരസമുളവാക്കുന്നതാ​യിരു​ന്നെങ്കിലും അച്ചടക്കമില്ലാത്ത യാത്രക്കാരൻ എന്ന വിഭാഗത്തിൽ പെടുത്താനാവില്ലെന്ന്​ വിമാനത്തിൻെറ ക്യാപ്​റ്റനായിരുന്ന മറ്റേറ്റി കമ്പനിക്ക്​ നൽകിയ കത്തിൽ ചൂണ്ടിക്കാട്ടിയിരുന്നു. എയർലൈൻ മാനേജ്​മ​​െൻറ്​ സമൂഹമാധ്യമങ്ങളിലെ പോസ്​റ്റുകൾ ആധാരമാക്കിയാണ്​ നടപടിയെടുത്തതെന്നും യാത്രക്കാരനെതിരെ നടപടിയെടുക്കുന്നതിന്​ മുമ്പ്,​ ഡ്യൂട്ടിയിലുണ്ടായിരുന്ന പൈലറ്റുമായി ബന്ധപ്പെട്ടില്ലെന്നും കത്തിൽ ആരോപിച്ചു. തൻെറ ഒമ്പത്​ വർഷത്തെ തൊഴിൽ ജീവിതത്തിൽ മുമ്പെങ്ങുമില്ലാത്ത സംഭവമാണിതെന്നും അദ്ദേഹം കത്തിൽ പറഞ്ഞിരുന്നു.

മുംബൈ-ലഖ്​നോ വിമാനത്തിലുണ്ടായ സംഭവത്തി​​​​​െൻറ അടിസ്ഥാനത്തിൽ കുനാൽ കംറയെ ആറ്​ മാസത്തേക്കാണ്​ ഇൻഡിഗോ വിലക്കിയത്​.

അർണബ്​ ഗോസ്വാമിയുടെ വാർത്താ അവതരണ ശൈലിയെ കളിയാക്കുന്ന വീഡിയോ​ കംറ തന്നെയാണ്​ പുറത്ത്​ വിട്ടത്​. യാത്രയിൽ ഗോസ്വാമിയോട് ചില കാര്യങ്ങൾ​ സംസാരിക്കാനുണ്ടെന്ന്​ കംറ ആവശ്യപ്പെട്ടിരുന്നു. എന്നാൽ, അർണബ്​ അതിനോട്​ പ്രതികരിച്ചില്ല.

തുടർന്ന്​ അർണബി​​​​​െൻറ ശൈലിയെ കംറ പരിഹസിക്കുകയും ചെയ്​തു. ഒടുവിൽ വിമാന ജീവനക്കാർ കംറയോട്​ സീറ്റിൽ പോയി ഇരിക്കാൻ ആവശ്യപ്പെട്ടു. ത​​​​​െൻറ പെരുമാറ്റത്തിൽ കംറ വിമാന ജീവനക്കാരോട്​ മാപ്പ്​ ചോദിച്ചിരുന്നു. എന്നാൽ, ഇത്​ കമ്പനിക്ക്​ സ്വീകാര്യമായില്ല.