കോവിഡ്: സംസ്ഥാനത്ത് 60 വയസ് കഴിഞ്ഞവർ മാസ്ക് ധരിക്കണമെന്ന് കർണാടക സർക്കാർ

ബംഗളൂരു: അയൽ സംസ്ഥാനമായ കേരളത്തിൽ കോവിഡ് കേസുകൾ വർധിക്കുന്ന സാഹചര്യത്തിൽ കർണാടകയിലെ മുതിർന്ന പൗരൻമാൻ മാസ്ക് ധരിക്കണമെന്ന് ആരോഗ്യമന്ത്രാലയത്തിന്റെ നിർദേശം. കേരളത്തിലെ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാ​ണെന്നും ഏതുസാഹചര്യം വന്നാലും നേരിടാനുള്ള തയാറെടുപ്പിലാണെന്നും കർണാടക സർക്കാർ വ്യക്തമാക്കി.

സംസ്ഥാനത്തെ 60 വയസ് കഴിഞ്ഞവർക്കാർ ജാഗ്രത നിർദേശം. കേരളത്തോട് അടുത്തുകിടക്കുന്ന ആശുപത്രികളിലും ജാഗ്രത നിർദേശം നൽകിയിട്ടുണ്ട്. അതോടൊപ്പം കോവിഡ് പരിശോധനക്കും തയാറെടുപ്പുകൾ തുടങ്ങി. നിലവിലെ സാഹചര്യം നിയന്ത്രണവി​ധേയമാണെന്നും ആളുകൾ പേടിക്കേണ്ട ആവശ്യമില്ലെന്നും ആരോഗ്യ മ​ന്ത്രി ദിനേഷ് ഗുണ്ടു റാവു പറഞ്ഞു. ഒമിക്രോൺ വകഭേദമായ ജെ.എൻ.1 കേരളത്തിൽ റിപ്പോർട്ട് ചെയ്തതിനെ തുടർന്ന് കേന്ദ്രസർക്കാർ പ്രത്യേക മാർഗനി​ർദേശങ്ങൾ പുറപ്പെടുവിച്ചിരുന്നു.