ഝാർഖണ്ഡിൽ മൂന്നാംഘട്ട വോട്ടെടുപ്പ് തുടങ്ങി

റാഞ്ചി: ഝാർഖണ്ഡ് നിയമസഭാ തെരഞ്ഞെടുപ്പിന്‍റെ മൂന്നാംഘട്ട വോട്ടെടുപ്പ് തുടങ്ങി. ആകെയുള്ള 81ൽ 17 സീറ്റുകളിലാണ് വോട്ടെടുപ്പ് നടക്കുന്നത്. 32 വനിതകളടക്കം 309 സ്ഥാനാർഥികൾ മത്സരരംഗത്തുണ്ട്.

17 സീറ്റിൽ രണ്ടെണ്ണം പട്ടികജാതി-പട്ടിക വർഗ സംവരണമാണ്. വോട്ടെടുപ്പ് നടക്കുന്ന മണ്ഡലങ്ങൾ എട്ട് ജില്ലകളിലായാണ് വ്യാപിച്ചു കിടക്കുന്നത്.

അഞ്ച് ഘട്ടങ്ങളുള്ള തെരഞ്ഞെടുപ്പിന്‍റെ ഒന്നാംഘട്ടം നവംബർ 30നും രണ്ടാഘട്ടം ഡിസംബർ ഏഴിനും പൂർത്തിയായിരുന്നു. നാലാംഘട്ടം ഡിസംബർ 16നും അവസാനഘട്ടം ഡിസംബർ 20നും നടക്കും. ഡിസംബർ 23നാണ് വോട്ടെണ്ണൽ.