ന്യൂഡൽഹി: രാജ്യത്ത് ശിശുമരണനിരക്കിൽ ഏറ്റവും മുമ്പിലുള്ള സംസ്ഥാനം മധ്യപ്രദേശ് ആണെന്ന് കണക്കുകൾ. 1000 കുട്ടികൾ ജനിക്കുേമ്പാൾ 48 പേരാണ് മധ്യപ്രദേശിൽ മരണമടയുന്നത്. എന്നാൽ കേരളത്തിൽ 1000ത്തിൽ ഏഴ് കുട്ടികൾ മാത്രമാണ് മരണമടയുന്നത്.
2018ലെ കണക്കുകൾ അടിസ്ഥാനമാക്കി സെൻസസ് കമീഷണറാണ് പ്രസ്തുത വിവരം പുറത്തുവിട്ടത്. ദേശീയതലത്തിൽ 2013ൽ ആയിരത്തിൽ 40 കുട്ടികൾ മരിക്കുന്നത് 2018ൽ 32 ആയി കുറഞ്ഞിട്ടുണ്ട്. ശിശുമരണനിരക്കിലുള്ള കുറവ് ദൃശ്യമാകുന്നത് നേരിയതോതിലാണെന്നത് ഈ മേഖലയിൽ അടിയന്തരമായി ശ്രദ്ധ ചെലുത്തേണ്ടതിൻെറ ആവശ്യകത വ്യക്തമാക്കുന്നു.
ഏറ്റവും കൂടുതൽ ജനനനിരക്കുള്ള സംസ്ഥാനം ബിഹാറും ഏറ്റവും കുറവ് ജനനനിരക്കുള്ള സംസ്ഥാനം ആൻഡമാൻ നിക്കോബാർ ദ്വീപുകളുമാണ്. പുതിയ കണക്കുകൾ പ്രകാരം 1,000 ആൺകുട്ടികൾക്ക് 899 പെൺകുട്ടികൾ എന്ന കണക്കിലാണ് ദേശീയ ലിംഗാനുപാതമുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.