അഭിനന്ദന്​ അട്ടാരിയിൽ ഉജ്വല വരവേൽപ്​

അ​ട്ടാ​രി: വെ​ള്ളി​യാ​ഴ്​​ച പു​ല​ർ​ച്ചെ ആ​റു​മ​ണി. അ​ട്ടാ​രി​യി​ൽ അ​തി​ർ​ത്തി ര​ക്ഷാ സേ​ന​യു​ടെ(​ബി.​എ​സ്.​എ​ഫ്) കീ​ഴി​ലു​ള്ള അ​ട്ടാ​രി ജോ​യ​ൻ​റ്​ പോ​സ്​​റ്റി​ലേ​ക്ക്​ പു​ല​ർ​കാ​ല മ​ഞ്ഞ്​ വ​ക​ഞ്ഞു​മാ​റ്റി ജ​ന​ങ്ങ​ൾ വ​ന്നു​െ​കാ​ണ്ടി​രി​ക്കു​ന്നു.

ഒ​മ്പ​തു​മ​ണി ആ​യ​പ്പോ​ഴേ​ക്കും ചെ​ക്​​പോ​സ്​​റ്റ്​ ജ​ന​നി​ബി​ഡ​മാ​യി. പ​ല വി.​വി.​െ​എ.​പി​ക​ളും ക​ട​ന്നു വ​ന്ന ചെ​ക്ക്​​​പോ​സ്​​റ്റി​ലൂ​ടെ ഇ​ന്ന്​ ഒ​രു യ​ഥാ​ർ​ഥ ഹീ​റോ വ​രു​ക​യാ​ണ്. അ​ദ്ദേ​ഹ​ത്തെ ധോ​ല​ക്​ കൊ​ട്ടി​യും നൃ​ത്തം ചെ​യ്​​തും ​ സ്വീ​ക​രി​ക്കാ​നാ​ണ്​ ജ​ന​ങ്ങ​ൾ ഒ​ഴു​കി​വ​ന്ന​ത്. ഇ​ന്ത്യ​ൻ മ​ണ്ണി​ൽ അ​തി​ക്ര​മി​ച്ചു ക​യ​റി​യ പാ​ക്​ പോ​ർ​വി​മാ​ന​ങ്ങ​ളെ തു​ര​ത്തി​യോ​ടി​ച്ച​തി​നി​ട​യി​ൽ നി​യ​​ന്ത്ര​ണ​രേ​ഖ​ക്ക​പ്പു​റം വീ​ണ്​ പാ​ക്​ സേ​ന​യു​ടെ പി​ടി​യി​ലാ​യ ധീ​ര പോ​രാ​ളി അ​ഭി​ന​ന്ദ​ൻ വ​ർ​ധ​മാ​നെ കാ​ത്തി​രി​ക്കു​ക​യാ​ണ്, അ​മൃ​ത്​​സ​റി​ൽ​നി​ന്ന്​ 40 കി​ലോ​മീ​റ്റ​ർ അ​ക​ലെ​യു​ള്ള അ​ട്ടാ​രി​യി​ൽ എ​ത്തി​യ​വ​ർ.

കാത്തിരിപ്പ്​ ഉച്ചയും കഴിഞ്ഞ്​ വൈകുന്നേരമായിട്ടും ജനങ്ങളൊന്നും പിരിഞ്ഞുപോയില്ല. വൈകുന്നേര​ത്തോടെ അ​ഭി​ന​ന്ദ​നെ അതിർത്തിയിൽ പാക്​ ഭാഗത്ത്​ എത്തിച്ചെങ്കിലും രാത്രി ഒമ്പതോടെയാണ്​ ഇന്ത്യൻ മണ്ണിലേക്ക്​ പ്രവേശിച്ചത്​. അ​ഭി​ന​ന്ദി​​െൻറ വ​ര​വു​ ക​ണ​ക്കി​ലെ​ടു​ത്ത്​ പ​ഞ്ചാ​ബി​ലെ 553 കി.​മീ. ദൈ​ർ​ഘ്യം വ​രു​ന്ന പാ​ക്​ അ​തി​ർ​ത്തി​യി​ൽ ബി.​എ​സ്.​എ​ഫി​​െൻറ നേ​തൃ​ത്വ​ത്തി​ൽ അ​തി​സു​ര​ക്ഷ​യാ​ണ്​ വെ​ള്ളി​യാ​ഴ്​​ച ഒ​രു​ക്കി​യ​ത്. പ​ഞ്ചാ​ബ്​ പൊ​ലീ​സും മ​റ്റു സു​ര​ക്ഷാ വി​ഭാ​ഗ​ങ്ങ​ളും വെ​ള്ളി​യാ​ഴ്​​ച പു​ല​ർ​െ​ച്ച മു​ത​ൽ ഇ​വി​ടെ സ​ന്നാ​ഹ​മൊ​രു​ക്കി.

ഇനി വൈദ്യപരിശോധന; വിവരം തേടൽ

അ​ഭി​ന​ന്ദ​ൻ വ​ർ​ധ​മാ​നെ​ ഇ​നി വൈ​ദ്യ​പ​രി​ശോ​ധ​ന​ക്ക്​ വി​ധേ​യ​മാ​ക്കും. തു​ട​ർ​ന്ന്​ പാ​കി​സ്​​താ​നി​ൽ നേ​രി​ട്ട അ​നു​ഭ​വ​ങ്ങ​ളെ​ക്കു​റി​ച്ച സൈ​നി​ക​മാ​യ ചോ​ദ്യം​ചെ​യ്യ​ലും ഉ​ണ്ടാ​വും.
േപാ​ർ​വി​മാ​നം ത​ക​ർ​ന്ന്​ ര​ക്ഷ​പ്പെ​ടു​ന്ന ഘ​ട്ട​ത്തി​ൽ പൈ​ല​റ്റി​ന്​ വ​ലി​യ ക്ഷ​ത​മേ​ൽ​ക്കാ​ൻ സാ​ധ്യ​ത​യു​ണ്ട്. പൈ​ല​റ്റ്​ മാ​ത്രം യാ​ത്ര​ക്കാ​ര​നാ​യ മി​ഗ്​-21 ബൈ​സ​ൺ വി​മാ​ന​മാ​ണ്​ അ​ഭി​ന​ന്ദ​ൻ പ​റ​ത്തി​യി​രു​ന്ന​ത്.

എ​ഫ്​-16 വി​മാ​നം വെ​ടി​വെ​ച്ചി​ടു​ന്ന​തി​നി​ട​യി​ൽ സ്വ​ന്തം വി​മാ​നം ത​ക​ർ​ന്ന​ു. ഇ​ത്ത​രം ഘ​ട്ട​ങ്ങ​ളി​ൽ വി​മാ​ന​ത്തി​ൽ​നി​ന്ന്​ പാ​ര​ച്യൂ​ട്ട് ഉ​പ​യോ​ഗി​ച്ച്​ ചാ​ടാ​നു​ള്ള ശ്ര​മ​ത്തി​ലാ​ണ്​ പൈ​ല​റ്റി​ന്​ ​ന​െ​ട്ട​ല്ലി​നും മ​റ്റും ക്ഷ​ത​മേ​ൽ​ക്കു​ക. ‘എ​ജ​ക്​​ട്​ ബ​ട്ട​ൺ’ അ​മ​ർ​ത്തി​യാ​ൽ ഇ​രി​പ്പി​ടം വേ​ഗ​ത്തി​ൽ ഉ​യ​രു​ക​യും വി​മാ​ന​ത്തി​​െൻറ മു​ക​ൾ​ഭാ​ഗം ത​ക​ർ​ത്ത്​ പൈ​ല​റ്റ്​ പു​റ​ത്തു വ​രു​ക​യും പാ​ര​ച്യൂ​ട്ട്​ നി​വ​രു​ക​യു​മാ​ണ്​ ചെ​യ്യു​ക.
പാ​ര​ച്യൂ​ട്ടി​ൽ പാ​കി​സ്​​താ​നി​ൽ ചെ​ന്നു​വീ​ണ അ​ഭി​ന​ന്ദ​ന്​ നാ​ട്ടു​കാ​രു​ടെ മ​ർ​ദ​നം ഏ​ൽ​ക്കേ​ണ്ടി​വ​ന്നു. ചോ​ര​യൊ​ലി​ക്കു​ന്ന മു​ഖ​വു​മാ​യി പാ​കി​സ്​​താ​ൻ സേ​ന അ​ഭി​ന​ന്ദ​നെ മോ​ചി​പ്പി​ക്കു​ന്ന വി​ഡി​യോ ദൃ​ശ്യ​ങ്ങ​ൾ പു​റ​ത്തു​വ​ന്നി​രു​ന്നു. ഇൗ ​ആ​ഘാ​ത​ങ്ങ​ളും വൈ​ദ്യ​പ​രി​ശോ​ധ​ന​യി​ൽ ബോ​ധ്യ​പ്പെ​ടും.

എ​ല്ലാ ന​ട​പ​ടി​ക​ളും പൂ​ർ​ത്തി​യാ​യ​ശേ​ഷ​മേ അ​ഭി​ന​ന്ദ​ൻ മാ​ധ്യ​മ​ങ്ങ​ളെ അ​ഭി​മു​ഖീ​ക​രി​ക്കാ​ൻ സാ​ധ്യ​ത​യു​ള്ളൂ. അ​ന്യ​രാ​ജ്യ​ത്തി​ന്​ ഏ​തെ​ങ്കി​ലും ര​ഹ​സ്യ വി​വ​ര​ങ്ങ​ൾ കൈ​മാ​റി​പ്പോ​യി​ട്ടു​ണ്ടോ, അ​വി​ട​​ത്തെ പെ​രു​മാ​റ്റം തു​ട​ങ്ങി​യ​വ സം​ബ​ന്ധി​ച്ചാ​ണ്​ സേ​ന വി​വ​ര​ങ്ങ​ൾ ആ​രാ​യു​ക. സൈ​നി​ക​രെ കൈ​മാ​റു​ന്ന ന​ട​പ​ടി​യി​ലും അ​ന്താ​രാ​ഷ്​​ട്ര മാ​ന​ദ​ണ്ഡ​ങ്ങ​ൾ​പ്ര​കാ​രം വൈ​ദ്യ​പ​രി​ശോ​ധ​ന നി​ർ​ബ​ന്ധ​മാ​ണ്. മോ​ച​ന​ഘ​ട്ട​ത്ത​ൽ വ​ർ​ധ​മാ​ന്​ അ​ക​മ്പ​ടി​യാ​യി​നി​ന്ന ഇ​ന്ത്യ​ൻ എ​യ​ർ അ​റ്റാ​ഷെ ജെ.​ടി. കു​ര്യ​നും ന​യ​ത​ന്ത്ര പ്ര​തി​നി​ധി​ക​ളു​മാ​ണ്​ ഇ​ക്കാ​ര്യ​ങ്ങ​ളി​ൽ സാ​ക്ഷി​ക​ളാ​യി നി​ൽ​ക്കു​ക.

കാത്തിരിക്കുന്നത്​ ബഹുമതികൾ; ഒപ്പം സിനിമയും
ന്യൂ​ഡ​ൽ​ഹി: ലോ​ക​ശ്ര​ദ്ധ നേ​ടി​യ വി​ങ്​ ക​മാ​ൻ​ഡ​ർ അ​ഭി​ന​ന്ദ​ൻ വ​ർ​ധ​മാ​നെ കാ​ത്തി​രി​ക്കു​ന്ന​ത്​ വ​ലി​യ സേ​നാ ബ​ഹു​മ​തി​ക​ൾ. ഒ​പ്പം ആ ​സാ​ഹ​സി​ക​ത വൈ​കാ​തെ സി​നി​മ​യാ​കാ​നും സാ​ധ്യ​ത. അ​ഭി​ന​ന്ദ​​െൻറ ക​ഥ പ്ര​മേ​യ​മാ​ക്കി സി​നി​മ​ക്ക്​ ടൈ​റ്റി​ലു​ക​ൾ ഇ​തി​ന​കം ബു​ക്ക്​ ചെ​യ്​​തു​ക​ഴി​ഞ്ഞു.യു​ദ്ധ​സ​മാ​ന​മാ​യ സാ​ഹ​ച​ര്യ​ങ്ങ​ളി​ൽ അ​സാ​ധാ​ര​ണ സാ​ഹ​സി​ക​ത​യും മ​നോ​ധൈ​ര്യ​വും കാ​ണി​ച്ച​തു മു​ൻ​നി​ർ​ത്തി മ​ഹാ​വീ​ർ ച​ക്ര പോ​ലു​ള്ള ബ​ഹു​മ​തി​ക​ൾ അ​ഭി​ന​ന്ദ​ന്​ ന​ൽ​കി​യേ​ക്കും.

പാ​കി​സ്​​താ​​െൻറ പ​ക്ക​ലു​ള്ള ഏ​റ്റ​വും മു​ന്തി​യ എ​ഫ്​-16 വി​മാ​നം വെ​ടി​വെ​ച്ചു​വീ​ഴ്​​ത്തി​യ​തും സൈ​നി​ക ത​ല​ത്തി​ൽ ഏ​റെ ശ്ര​ദ്ധേ​യ നേ​ട്ട​മാ​ണ്. അ​മേ​രി​ക്ക​യി​ൽ​നി​ന്ന്​ പാ​കി​സ്​​താ​ന്​ ല​ഭി​ച്ച വി​മാ​ന​മാ​ണി​ത്. മു​മ്പ്​ എ​ഫ്​-16​ന്​ ഇ​ന്ത്യ ശ്ര​മി​ച്ചി​​രു​ന്നെ​ങ്കി​ലും കി​ട്ടി​യി​രു​ന്നി​ല്ല.