ന്യൂഡൽഹി: രാജ്യത്തെ പ്രതിദിന കോവിഡ് രോഗികളുടെ എണ്ണം 60,000ത്തിൽ താഴെയെത്തി. 81 ദിവസത്തിന് ശേഷമാണ് രോഗികളുടെ എണ്ണം ഇത്രയും കുറയുന്നത്. 58,419 പേർക്കാണ് കഴിഞ്ഞ ദിവസം രാജ്യത്ത് കോവിഡ് സ്ഥിരീകരിച്ചത്. 87,619 പേർക്ക് രോഗമുക്തിയുണ്ടായി. മരണസംഖ്യ വീണ്ടും കുറഞ്ഞു. കഴിഞ്ഞ ദിവസം 1576 പേരാണ് കോവിഡ് ബാധിച്ച് മരിച്ചത്.
ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 2,98,81,965 ആയി ഉയർന്നു. 2,87,66,009 പേർക്ക് രോഗമുക്തിയുണ്ടായി. 3,86,713 പേരാണ് ഇതുവരെ കോവിഡ് ബാധിച്ച് മരിച്ചത്. 7,29,243 പേരാണ് നിലവിൽ ചികിത്സയിലുള്ളത്. 27,66,93,572 പേർക്ക് വാക്സിൻ നൽകുകയും ചെയ്തു.
അതേസമയം, രാജ്യത്തെ കോവിഡ് മൂന്നാം തരംഗവുമായി ബന്ധപ്പെട്ട് എയിംസ് മുന്നറിയിപ്പ് നൽകി. ആറ് മുതൽ എട്ട് ആഴ്ചക്കുള്ളിൽ മൂന്നാം തരംഗമുണ്ടാവുമെന്നാണ് എയിംസ് മുന്നറിയിപ്പ്. ലോക്ഡൗൺ പിൻവലിച്ചാലും കോവിഡ് പ്രോട്ടോകോൾ ജനങ്ങൾ കർശനമായി പാലിക്കുന്നുണ്ടെന്ന് ഉറപ്പ് വരുത്തണമെന്ന് കേന്ദ്രസർക്കാർ സംസ്ഥാനങ്ങളോട് നിർദേശിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.