ന്യൂഡൽഹി: രാജ്യത്ത് തുടർച്ചയായ രണ്ടാം ദിവസവും കോവിഡ് ബാധിച്ചുള്ള മരണം നാലായിരം കടന്നു. 4,092 പേരാണ് കഴിഞ്ഞ ദിവസം കോവിഡ് ബാധിച്ച് മരിച്ചത്. ഇതോടെ ആകെ മരണസംഖ്യ 2,42,362 ആയി ഉയർന്നു.
കഴിഞ്ഞ ദിവസം 4,03,738 പേർക്കാണ് കോവിഡ് സ്ഥിരീകരിച്ചത്. 3,86,444 പേർക്ക് രോഗമുക്തിയുണ്ടായി. ഇതുവരെ 2,22,96,414 പേർക്കാണ് രോഗബാധ സ്ഥിരീകരിച്ചത്. 37,36,648 പേരാണ് നിലവിൽ ചികിത്സയിലുള്ളത്. 16,94,39,663 പേർക്ക് ഇതുവരെ വാക്സിൻ നൽകിയിട്ടുണ്ടെന്നും ആരോഗ്യമന്ത്രാലയം അറിയിച്ചു.
കഴിഞ്ഞ രണ്ട് ദിവസവുമായി താരതമ്യം ചെയ്യുേമ്പാൾ കോവിഡ് രോഗികളുടെ എണ്ണത്തിൽ ചെറിയ കുറവ് റിപ്പോർട്ട് ചെയ്തിട്ടുണ്ട്. 56,578 രോഗികളുമായി മഹാരാഷ്ട്രയിലാണ് കഴിഞ്ഞ ദിവസം ഏറ്റവും കൂടുതൽ കേസുകൾ റിപ്പോർട്ട് ചെയ്തത്. 47,563 പേർക്ക് കർണാടകയിൽ കോവിഡ് സ്ഥിരീകരിച്ചു. 41,971 കോവിഡ് കേസുകളാണ് കേരളത്തിൽ റിപ്പോർട്ട് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.