ന്യൂഡൽഹി: ഇന്ത്യക്ക് ആശ്വാസമായി ചികിത്സയിലുള്ള കോവിഡ് രോഗികളുടെ എണ്ണം ഒമ്പത് ലക്ഷത്തിൽ താഴെയെത്തി. 62,224 പേർക്കാണ് കഴിഞ്ഞ ദിവസം കോവിഡ് സ്ഥിരീകരിച്ചത്. 1,07,628 പേർക്ക് രോഗമുക്തിയുണ്ടായി. 2542 പേർ കോവിഡ് ബാധിച്ച് മരിക്കുകയും ചെയ്തുവെന്ന് ആരോഗ്യമന്ത്രാലയം അറിയിച്ചു.
ഇതുവരെ 2,96,33,105 പേർക്കാണ് കോവിഡ് സ്ഥിരീകരിച്ചത്. 2,83,88,100 പേർക്ക് രോഗമുക്തിയുണ്ടായി. 3,79,573 പേർ രോഗം ബാധിച്ച് മരിച്ചു. 8,65,432 പേരാണ് നിലവിൽ ചികിത്സയിലുള്ളത്. 26,19,72,014 പേർക്ക് ഇതുവരെ വാക്സിൻ നൽകിയെന്ന് ആരോഗ്യമന്ത്രാലയം വ്യക്തമാക്കി.
അഞ്ച് സംസ്ഥാനങ്ങളിലാണ് രാജ്യത്ത് ഭൂരിഭാഗം കോവിഡ് രോഗികളും റിപ്പോർട്ട് ചെയ്യുന്നത്. കേരളം-12,246, തമിഴ്നാട്-11,805, മഹാരാഷ്ട്ര-7,652, ആന്ധ്രപ്രദേശ്-5,741, കർണാടക-5401 എന്നിങ്ങനെയാണ് വിവിധ സംസ്ഥാനങ്ങളിലെ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.