ഗാന്ധിനഗർ: ലോക്സഭ തെരഞ്ഞെടുപ്പിൽ കോൺഗ്രസ് വിജയിച്ചാൽ പാകിസ്താൻ ദീപാവലി ആഘോഷിക്കുമെന്ന് ഗുജറാത്ത് മുഖ്യമന്ത്രി വിജയ് രൂപാനി. പാകിസ്താെൻറ അതേ ഭാഷയിലാണ് കോൺഗ്രസ് നേതാക്കൾ സംസാരിക്കുന്നത്. അവർ നിരന്തരം ഇന്ത്യൻ സേനയെ അപമാനിക്കുകയാണെന്നും വിജയ് രൂപാനി വിമർശിച്ചു. മെഹ്സാനയിലെ റാലിയിൽ സംസാരിക്കുകയായിരുന്നു അദ്ദേഹം.
ഇന്ത്യ നടത്തിയ വ്യോമാക്രമണത്തെയും സേന മേധാവി നടത്തിയ വാർത്താസമ്മേളനത്തെയും കോൺഗ്രസ് ചോദ്യം ചെയ്തു. ആരെയാണവർ പിന്തുണക്കുന്നത്. പാകിസ്താനിലെ പാർട്ടിയെന്ന പോലെയാണ് കോൺഗ്രസ് പെരുമാറുന്നതെന്നും വിജയ് രൂപാനി ആരോപിച്ചു.
കോൺഗ്രസ് ജയിക്കുകയാണെങ്കിൽ പാകിസ്താൻ ദീപാവലി ആഘോഷിക്കും. എന്നാൽ നരേന്ദ്രമോദി തന്നെയാണ് ഭൂരിപക്ഷത്തോടെ വിജയിക്കുക. മോദി വിജയിച്ചാൽ പാകിസ്താൻ വിലപിക്കുമെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.