ഡെറാഡൂൺ: ഹിന്ദി സീരിയൽ നടിക്കും കുടുംബത്തിലെ ഏഴോളം പേർക്കും കോവിഡ്. ‘യേ രിഷ്താ ക്യാ കഹ്ലതാ ഹെ’ ഹിന്ദി സീരിയലിലെ നടി മൊഹെന കുമാരി സിങ്ങിനും കുടുംബത്തിനുമാണ് കോവിഡ് കണ്ടെത്തിയത്. കഴിഞ്ഞദിവസം കോവിഡ് സ്ഥിരീകരിച്ച ഉത്തരാഖണ്ഡ് ടൂറിസം മന്ത്രി സത്പാൽ മഹാരാജിെൻറ മരുമകളാണ് നടി. സത്പാൽ മഹാരാജിെൻറ മകനും മൊഹെനയുടെ ഭർത്താവുമായ സുയേഷ് രാവത്തിനും കോവിഡ് സ്ഥിരീകരിച്ചു.
നടിയും കുടുംബവും ഇപ്പോൾ ആശുപത്രിയിൽ ചികിത്സയിലാണ്. ചെറിയ രോഗലക്ഷണങ്ങൾ മാത്രമാണ് എല്ലാവർക്കുമുള്ളത്. എത്രയും വേഗം സുഖം പ്രാപിക്കുമെന്നാണ് കരുതുന്നതെന്നും നടി ഒരു ദേശീയമാധ്യമത്തിന് നൽകിയ അഭിമുഖത്തിൽ അറിയിച്ചു.
മൊഹെനയുടെ ഭർതൃമാതാവ് അമൃത രാവത്തിനാണ് ആദ്യം കോവിഡ് സ്ഥിരീകരിച്ചത്. ഋഷികേശിലെ അപ്പോളോ ആശുപത്രിയിൽ ചികിത്സയിലാണ് അവർ. ഇവരുടെ വീട്ടിലെ ജീവനക്കാർക്കും കോവിഡ് സ്ഥിരീകരിച്ചതായാണ് വിവരം. ഇതേതുടർന്ന് മന്ത്രി കുടുംബവുമായി സമ്പർക്കംപുലർത്തിയ എല്ലാവരെയും നിരീക്ഷണത്തിലാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.