ചെന്നൈ: കോവിഡ് വാക്സിൻ ക്ഷാമം നേരിടുന്ന തമിഴ്നാടിന് വീണ്ടും വാക്സിൻ അനുവദിച്ച് കേന്ദ്രം. ചൊവ്വാഴ്ച് 6,16,660 ഡോസ് വാക്സിനുകളാണ് സംസ്ഥാനത്ത് എത്തിയത്. കനത്ത വാക്സിൻ ക്ഷാമം നേരിടുന്നുെവന്ന് തമിഴ്നാട് കഴിഞ്ഞയാഴ്ച കേന്ദ്രസർക്കാറിനെ അറിയിച്ചിരുന്നു. ഇതിന് പിന്നാലെ വെള്ളിയാഴ്ച 3.65 ലക്ഷം കോവിഷീൽഡ് വാക്സിൻ അനുവദിച്ചിരുന്നു. ഇതിന് പിന്നാെലയാണ് ചൊവ്വാഴ്ച ആറര ലക്ഷം വാക്സിൻ കൂടി അനുവദിച്ചത്.
കോവിഡ് വാക്സിനേഷനിൽ തമിഴ്നാട് വളരെ പിന്നിലെന്ന് റിപ്പോർട്ടുണ്ടായിരുന്നു. സംസ്ഥാന ജനസംഖ്യയുടെ ഒമ്പത് ശതമാനത്തിന് മാത്രമാണ് ഇതുവരെ വാക്സിനേഷൻ നൽകിയിട്ടുള്ളുവെന്ന് സ്ഥിതിവിവരക്കണക്കുകളും പുറത്ത് വന്നിരുന്നു.
ജനസംഖ്യാനുപാതം പരിഗണിച്ചല്ല കേന്ദ്രം വാക്സിൻ വിതരണം ചെയ്തതെന്ന് തമിഴ്നാട് ആരോപിച്ചിരുന്നു. സംസ്ഥാനത്തെ 37 ജില്ലകളിൽ 36 ഇടത്തും വാക്സിൻ ക്ഷാമം നേരിടുന്നതായി ആരോഗ്യവകുപ്പ് കഴിഞ്ഞ ദിവസം വെളിപ്പെടുത്തിയിരുന്നു. ഇതിന് പിന്നാെലയാണ് കേന്ദ്രം കൂടുതൽ വാക്സിൻ അനുവദിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.