പാകൂർ: ഝാർഖണ്ഡിലെ പാകൂരിൽ മൊബൈൽ ബാറ്ററി പൊട്ടിത്തെറിച്ച് അഞ്ച് വയസ്സുകാരന് മരിച്ചു. പരിക്കേറ്റ കുട്ടിയെ ആശുപത്രിയിലെത്തിച്ചെങ്കിലും മരിച്ചിരുന്നു. ദുമാരിയ ഗ്രാമത്തിലെ ലാജർ മറാണ്ടിയുടെ മകന് സോനു മരാണ്ടിയാണ് കൊല്ലപ്പെട്ടത്.
സോനുവിന്റെ പിതാവ് മൊബൈലിൽ നിന്ന് ബാറ്ററി പുറത്തെടുത്ത് മാസ്റ്റർ ചാർജറിൽ ചാർജ്ചെയ്യാന്വെച്ചിരുന്നു. പിന്നീട് പിതാവ് പുറത്ത് പോയതിന് ശേഷം സോനു ചാർജറിൽ നിന്ന് ബാറ്ററി മാറ്റാൻ ശ്രമിക്കവെയാണ് പൊട്ടിത്തെറിയുണ്ടായത്.
സംഭവവുമായി ബന്ധപ്പെട്ട് കുട്ടിയുടെ മാതാപിതാക്കളിൽ നിന്ന് മൊഴി രേഖപ്പെടുത്തിയതായി പൊലീസ് അറിയിച്ചു. കഴിഞ്ഞ വർഷം മാർച്ചിൽ സമാനമായി മൊബൈൽ ബാറ്ററി പൊട്ടിത്തെറിച്ച് പന്ത്രണ്ട് വയസ്സുകാരന് മരിച്ചിരുന്നു. ബാറ്ററിയുടെ പവർ പരീക്ഷിക്കുന്നതിനിടെയാണ് അന്ന് അപകടമുണ്ടായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.