കൊച്ചി: എറണാകുളം-പാലക്കാട് മെമു ഡിസംബർ 15ന് സർവിസ് ആരംഭിക്കും. 06797/06798 എന്നീ നമ്പറുകളിൽ സ്പെഷൽ ട്രെയിനായിട്ടായിരിക്കും ഒാടുക. മെമു സർവിസ് പുനരാരംഭിക്കണമെന്ന യാത്രക്കാരുടെ പ്രതിഷേധത്തിനൊടുവിലാണ് പുതിയ തീരുമാനം.
ലോക്ഡൗൺ പിൻവലിച്ചതിന് പിന്നാലെ ട്രെയിൻ സർവിസുകൾ മിക്കതും പുനരാരംഭിച്ചിരുന്നു. എന്നാൽ, മെമു സർവിസിന് അനുമതി നൽകിയിരുന്നില്ല. എറണാകുളം-പാലക്കാട് യാത്രകൾക്കും തിരിച്ചും ഏറെയും ഗുണം ചെയ്യുന്നതാണു മെമു. എറണാകുളം മുതൽ പാലക്കാടുവരെ ചെറുതും വലുതുമായ 28 സ്റ്റേഷനുകളിലാണ് ട്രെയിൻ നിർത്തുന്നത്.
രാവിലെ 7.20ന് പാലക്കാടുനിന്ന് പുറപ്പെടുന്ന മെമു 09.04ന് തൃശൂരും 11.15ന് എറണാകുളത്തും എത്തും. ഉച്ചക്ക് 2.45ന് എറണാകുളം ജങ്ഷനിൽനിന്ന് പുറപ്പെടുന്ന ട്രെയിൻ 4.39ന് തൃശൂരും ഏഴിന് പാലക്കാടുമെത്തും
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.