ന്യൂഡൽഹി: ഹരിയാനയിൽ ബി.ജെ.പിയുമായി ജെ.ജെ.പി സഖ്യമുണ്ടാക്കിയതിന് പിന്നാലെ ദുഷ്യന്ത് ചൗതാലയുടെ പിതാവ് അജയ് ചൗതാലക്ക് 14 ദിവസത്തെ പരോൾ അനുവദിച്ചു. അധ്യാപക നിയമന അഴിമതി കേസിൽ ശിക്ഷിക്കപ്പെട്ട അജയ് ചൗതാല നിലവിൽ തീഹാർ ജയിലിലാണ്.
നാളെ അജയ് ചൗതാല ജയിലിൽ നിന്ന് പുറത്തിറങ്ങും. ഹരിയാന നിയമസഭാ തെരഞ്ഞെടുപ്പിൽ 10 സീറ്റ് നേടി ദുഷ്യന്ത് ചൗതാലയുടെ ജെ.ജെ.പി നിർണായക ശക്തിയായിരുന്നു. ബി.ജെ.പിക്ക് ഹരിയാന ഭരിക്കാൻ ചൗതാലയുടെ പിന്തുണ ആവശ്യമായി വന്നിരുന്നു. തുടർന്ന് സംയുക്തമായി സർക്കാർ രൂപീകരിക്കാൻ ഇരു കക്ഷികളും ധാരണയിലെത്തുകയും ചെയ്തിരുന്നു.
ദുഷ്യന്ത് ചൗതാലയുടെ ജെ.ജെ.പിക്ക് ഉപമുഖ്യമന്ത്രി സ്ഥാനം നൽകാമെന്നാണ് ബി.ജെ.പി അറിയിച്ചിരിക്കുന്നത്. ദുഷ്യന്ത് ചൗതാലയോ മാതാവോ ഉപമുഖ്യമന്ത്രിയാകുമെന്ന റിപ്പോർട്ടുകളാണ് ഇപ്പോൾ പുറത്ത് വരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.