ന്യൂഡൽഹി: കോവിഡ് ബാധിച്ച് രക്ഷിതാക്കൾ നഷ്ടപ്പെട്ട വിദ്യാർഥികൾക്ക് പൂർണമായും ഫീസിളവ് നൽകുമെന്ന് ഡൽഹി യൂനിവേഴ്സിറ്റി. രക്ഷിതാക്കളിൽ ഒരാൾ നഷ്ടപ്പെട്ടവർക്കും ഈ ആനുകൂല്യം ലഭിക്കും.
കോവിഡിൽ രക്ഷിതാക്കൾ നഷ്ടപ്പെട്ട കുട്ടികളുടെ ലിസ്റ്റ് തയാറാക്കാൻ സർവെ നടത്താൻ കോളജുകളോട് യൂനിവേഴ്സിറ്റി ആവശ്യപ്പെട്ടിട്ടുണ്ടെന്ന് ഡീൻ ബലറാം പാനി മാധ്യമങ്ങളോട് പറഞ്ഞു.
ഫീസിളവിൽ പരീക്ഷാ ഫീസും ഉൾപ്പെടുത്തിയിട്ടുണ്ടെന്നും അധികൃതർ അറിയിച്ചു. കോവിഡിൽ രക്ഷിതാക്കൾ നഷ്ടപ്പെട്ടെന്ന് തെളിയിക്കുന്ന രേഖകൾ സമർപ്പിക്കുന്നതോടെ കുട്ടികൾ ഫീസിളവിന് അർഹരാകുെമന്നും യൂനിവേഴ്സിറ്റി അധികൃതർ പറഞ്ഞു.
വിദ്യാർഥികൾക്ക് ഫീസിളവ് നൽകുന്നതിനായി കോളജുകളിൽ കമ്മിറ്റികൾ രൂപീകരിച്ചിട്ടുണ്ട്. ഒപ്പം ചില എൻ.ജി.ഒകളെയും വിദ്യാർഥികൾക്ക് വേണ്ടി കോളജുകൾ സമീപിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.